ایک فیس گروپ میں سوال کیا گیا کہ
"میری ایک آفس میں جاب ہوئی ہے وہاں پہ ایک میڈم نے بہت ساتھ دیا ہر لحاظ سے کیونکہ دوسرے شہر ہوئی ہے جاب
پہلے ہفتہ اچھا گزرا لیکن اب وہ مسلسل واٹس ایپ میسج کرتی ہے اور کالز کرتی ہے رپلائی نہ کرنے یا کال اٹینڈ نہ کرنے پر ناراض ہو جاتی ہے اور غصہ کرتی ہے
جب اٹینڈ کروں تو آدھی آدھی رات لگی رہتی ہے اس طرح میری نیند پوری نہیں ہوتی سکون برباد ہوگیا ہے
جب اگنور کروں آفس میں بُلا کر پھر اکیلے ذلیل کرتی ہو اگنور کرنے پہ وہ میڈم مجھ سے عمر میں دو سال چھوٹی ہے لیکن جاب میں وہ سینئر ہے مجھ سے جہاں تک خیال ہے وہ پیار کر بیٹھی ہے اس کی باتوں سے لگتا ہے دلفریب باتیں ہوتی ہیں اس کی
جب کہ میرا ذرا برابر بھی اس طرف دھیان نہیں ہے
میں کیسے اس صورتحال سے اس کو بھی اور خود کی بھی نکالوں
کیونکہ مجھے ڈر ہے اگر اس کی بات نہ مانی تو وہ جاب سے نکلوا بھی سکتی ہے لیکن مجھے جاب کی ضرورت ہے مشکل سے ملی ہے
پریشان ہوں کیا کرنا چاہئے یہ حقیقت ہے کوئی مزاق نہیں پلیز سنجیدہ جواب دیں"
اس پر میرا جواب یہ ہے
"اس عورت پر شیطان سوار ہے اور وہ تمہیں اس عورت کے ذریعے اس گناہ کی طرف دعوت دینے کی مسلسل کوشش کررہا ہے جس کے ذریعے وہ تم دونوں کے لباس اترواکر زنا کروائے گا اور اس کے بعد تم یا وہ عورت یا دونوں اللہ کے سامنے ذلیل و رسوا ہوجاوگے۔
شیطان نے حضرت آدم و حوا علیہ السلام کے لباس جنت میں اتروائے تھے اور اللہ نے تمہارے حقیقی والدین کو جنت سے نکال دیا تھا۔
اب سوچ لو کہ تم اللہ کے سامنے ذلیل ہونا چاہتے ہو یا شیطان کا کھیل خراب کرنا چاہتے ہو؟ وہ تمہارا کھلا دشمن ہے اور ہر طرح وار کرے گا پینترے بدل بدل کر جب تک کہ وہ تمہارے نفس کو مجبور نہ کردے کہ تمہارا نفس تمہیں زبردستی گھسیٹ کر عورت کے ساتھ مس نہ کردے اور اس کے بعد باقی کام شیطان تمہارے برین کو کنٹرول کرکے کرے گا۔
شیطان خود بھی اس عورت سے تمہارے ذریعے مزے لے گا جیسے کسی ڈراونی مووی میں کسی انسان کے جسم میں بھوت داخل ہوجاتا ہے تو اپنے جسم کی ہوس بجھانے کے لیے عورت کا ریپ کرتا ہے ایسے تمہیں ٹریپ کرکے استعمال کیا جائے گا۔
لہذا ہوشیار رہو اور خود کو سنبھالو۔
جہاں تک بات ہے آفس جاب کی تو دیکھو کہ یہ جاب تمہیں اللہ نے دی ہے، تمہاری اپنی قابلیت کی اس میں وہ اہمیت نہیں جو تم سمجھ رہے ہو۔
جب یہ جاب اللہ نے دی ہے تو وہ جب چاہے تمہیں اس جاب سے نکلوابھی سکتا ہے۔ کیا یہ ممکن نہیں کہ تم اس عورت کے ساتھ اپنا منہ کالا کرو اور اس کے بدلے تمہیں سزا کے طور پر اللہ اس جاب سے نکلوادے؟
اگر ایسا ممکن ہے تو تب کیا کرو گے؟ ذلت در ذلت ملے گی اور جاب بھی ہاتھ سے جائے گی اور اللہ بھی ناراض ہوگا مگر شیطان خوش ہوگا کہ وہ کامیاب ہوگیا جبکہ اگر تم اللہ کے ڈر کی وجہ سے اور اللہ کو خوش کرنے کے لیے عورت کو ٹھکرا دو گے اور اللہ کو اپنا سہارا بناو گے تو اللہ کے لیے کوئی مسئلہ نہیں کہ اگر وہ عورت مکروفریب کرے تمہارے خلاف تو اللہ تمہاری مدد نہ کرسکے، اللہ اتنا کمزور نہیں ہے۔
کیا تم اتنے کمزور ہو؟
کیا تم شیطان کو کامیاب کرو گے؟
کیا تمہیں یقین نہیں کہ عورت کے چاہنے سے جاب ختم نہیں ہوسکتی جب تک کہ اللہ نہ چاہے؟
وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ
اور تمہارے چاہنے سے کچھ نہیں ہوتا جب تک اللہ ربّ العالمین نہ چاہے۔
