قطر سے یورپ جانا پاکستان سے زیادہ آسان ہے!

 قطر سے یورپ جانا پاکستان سے زیادہ آسان ہے!

کیوں! حیران کرنے والی بات ہے نا؟

چار پیسے بھی کماو اور چند ملکوں کا فری ویزہ بھی حاصل کرلو جن ملکوں میں جارجیا بھی شامل ہے۔

میں بتاتا ہوں کیسے۔

یورپ، کینیڈا وغیرہ جانے کے صرف تین طریقے ہیں۔ پڑھائی، جاب یا سیر کےلئے جانا۔ ان میں پڑھائی کےلئے جانا سب سے آسان ہے کیونکے ویزہ 99.9 پرسنٹ یقینی ہوتا یے۔

اگر یورپ کے ورک پرمٹ کی بات کریں تو یہ 90% فراڈ ہے اور پاکستان سے یورپ کینیڈا وغیرہ وزٹ ویزہ پر جانا انکار ہی سمجھیں۔

وزٹ ویزہ پاکستان سے مشکل سے لگتا ہے۔

قطر ہی کیوں؟

آپکی عمر 45 سال سے زیادہ ہے تو پڑھائی کےلئے نہیں جا سکتے۔

ثمینہ کئی سال سے باہر پڑھائی کےلئے پیسے جمع کر رہی ہے لیکن یورپ، امریکہ یا کینیڈہ کا خواب پورا نہیں کرسکتی۔ بجٹ کم ہے۔

علی کو دیکھیں سٹڈی گیپ اتنا ہے کہ اسے عبور کرنا مشکل پھر یورپ کے وزٹ ویزہ کےلئے 2 بار رجیکشن بھی ہوگئی۔

ادھر کسی کی امی شادی کےلئے زور دے رہی ہے تو کسی کی بیوی بچوں کے مستقبل کی دہائی دے رہی ہے۔ کیونکے پاکستان میں تو کوئی مستقبل دکھائی نہیں دیتا۔

جاب سے گزارہ نہیں ہوتا، سیونگ زیرو ہیں اور مستقبل غیر یقینی۔۔۔کچھ سمجھ نہیں آتا۔

اب اگر Study Visa بھی نہیں ہے اور نہ ہی یورپ کا وزٹ پاکستان سے لگتا ہے تو پھر قطر ہی حل ہے۔

یا دبئی، عمان اور سعودیہ۔۔۔

اصل مسئلہ کیا ہے؟

ہم ابھی تک پرانی سوچ میں ہیں کہ ویزہ لگے گا تو سب ٹھیک ہو جائے گا۔۔۔

نہیں۔

اگر پلاننگ نہ کی تو سب اور خراب ہو جائے گا۔

اگر عمر زیادہ، یا بجٹ کم ہے تو راستہ بنائیں۔۔۔آہستہ آہستہ آپنی منزل کی طرف بڑھیں۔ آپ کا قطر کا ویزہ خود ایک طاقتور راستہ ہے۔

بس ہم درست راستہ اپنانے کی بجائے یہ سوچتے ہیں کہ “میری قسمت خراب”۔

ہنسی آتی ہے مگر سچ یہی ہے کہ ہماری قوم سارا دن ٹک ٹاک دیکھ کر دنیا بدلنے کا پلان بناتی ہے

چلیں مسئلہ حل کرتے ہیں۔

اصل حل سامنے ہے:

قطر کا ویزہ آپکوآزاد کر دیتا ہے۔۔۔آپ اپنی مرضی کی جاب کریں۔ چار پیسے کمالیں اور اپنا بینک بیلنس بڑھا لیں۔ دو سال تک قانونی طور پر قطر میں رہیں اور ایک شاندار طرز زندگی انجوائے کریں۔

پھر اپنی قطر آئی ڈی آپکا ویزہ اپلائی کریں۔۔۔قطر آئی ڈی ایسی پاور فل ہے کہ اس پر آٹلی، فرانس،یونان، کینیڈا یا جاپان کا ویزہ 80-90% لگ جاتا ہے۔۔۔رجیکشن نہ ہونے کے برابر۔

کیونکے پروفائل سٹرانگ ہو جاتی ہے۔

ٹکٹ بھی سستی، ویزہ بھی تقریبا یقینی اور کسی اپوائنٹمنٹ کا کوئی جھنجٹ نہیں۔

یہ سب "قسمت" نہیں ہے، یہ طریقہ کار ہے۔ جسے آپ سیکھ سکتے ہیں۔

جو قطر میں ہے، اس کو یورپ تک پہنچنے میں آدھی سیڑھی پہلے ہی ملی ہوئی ہے۔

بس آگے چڑھنے کی جرأت چاہیے۔

آخر میں بس اتنا سوچ لو:

یا تو ایک سال درست پلاننگ کر کے نکل جاؤ،

یا پھر اگلے 5 سال وہی کینٹین، وہی روٹین، وہی سیاپہ زندگی۔

پارٹی ختم ہو چکی ہے۔ اب وہ زمانہ نہیں کہ جو ویزہ میں چاہوں مجھے ملے گا۔۔۔

نہی بئی، نہیں۔۔۔پاکستان سے نکلنا ہی بڑی کامیابی ہے۔

لیکن

ہر ویزہ ہر ایک کےلئے نہیں ہوتا۔ سب کے حالات مختلف ہوتے ہیں۔ مکمل فروفائل کی جانچ کے بعد ہی ملک کا انتخاب کرنا چاہئے۔

ایک اچھی لیکن قانونی حکمت عملی

سے ہی آپ کامیاب ہو سکتے ہیں۔

اور یہ کامیابی صرف اسی کو ملتی ہے جو فیصلہ کرتا ہے۔

— The Professor Naeem

🌸 اسلام میں عورت کا عورت سے شرمگاہ کے بال صاف کروانا — ایک اصلاحی پیغام

🌸 اسلام میں عورت کا عورت سے شرمگاہ کے بال صاف کروانا — ایک اصلاحی پیغام

اللہ تعالیٰ نے اسلام کو حیاء اور پاکیزگی کا دین بنایا ہے۔

نبی ﷺ نے فرمایا:

"الحياء شعبة من الإيمان"

یعنی حیاء ایمان کی ایک شاخ ہے۔

(صحیح بخاری: 9)

اسلام ہمیں سکھاتا ہے کہ پردہ صرف مرد و عورت کے درمیان نہیں،

بلکہ عورت اور عورت کے درمیان بھی ایک حد ہے۔

🔹 اسلامی حکم کیا ہے؟

فقہاء کے نزدیک عورت کے لیے عورت کے سامنے ناف سے گھٹنے تک کا حصہ ستر (یعنی چھپانے والا حصہ) ہے۔

یعنی اس حصے کو بلا ضرورت نہ دیکھنا جائز ہے، نہ کسی کو دکھانا۔

فقہی ماخذ:

الدر المختار مع رد المحتار (1/405)

الفتاویٰ الهندیة (5/357)

حاشیہ الطحطاوی علی الدر المختار (ص 43)

ان تمام کتب میں یہی اصول بیان کیا گیا ہے کہ:

"لا يجوز للمرأة أن تنظر إلى ما بين سرة امرأة وركبتها إلا لضرورة."

(یعنی عورت کے لیے عورت کی ناف سے گھٹنے تک دیکھنا جائز نہیں، سوائے ضرورت کے۔)

⚖️ بلا ضرورت یہ عمل حرام ہے

اگر کوئی عورت کسی دوسری عورت سے محض عادتاً، آرام کے لیے، یا فیشن کے طور پر

اپنی شرمگاہ کے بال صاف کرواتی ہے —

تو یہ ناجائز اور گناہ ہے،

کیونکہ اس میں پردہ کی خلاف ورزی اور حیاء کا نقصان ہے۔

ایسا عمل انسان کو اللہ کی ناراضی اور قیامت کے دن شرمندگی میں ڈال سکتا ہے۔

⚕️ کب گنجائش ہے؟

اسلام میں اگر کوئی سخت مجبوری یا طبی ضرورت پیش آ جائے،

تو صرف اتنا حصہ ظاہر کیا جا سکتا ہے جتنی واقعی ضرورت ہو۔

ایسی مجبوریوں کی مثالیں:

عورت بیمار یا معذور ہو اور خود صفائی نہ کر سکے۔

حمل یا زچگی کے آخری مراحل میں جھکنا ممکن نہ ہو۔

آپریشن یا زخم ہو جس سے نقصان کا خطرہ ہو۔

بزرگ عورت جس سے خود صفائی ممکن نہ ہو۔

طبی معائنہ (جیسے نرس یا ڈاکٹر) — تب بھی صرف ضرورت کے مطابق۔

فقہی اصول:

"الضرورات تبيح المحظورات"

(ضرورت بعض ممنوع چیزوں کو جائز کر دیتی ہے)

— [قواعد الفقه الكبرى للسيوطي، ص 88]

🌺 ڈاکٹرز اور نرسوں کے لیے خصوصی نصیحت:

اللہ نے آپ کو شفا دینے کا ذریعہ بنایا ہے،

لیکن شفا کا کام بھی پردہ اور حیاء کے دائرے میں رہ کر ہونا چاہیے۔

جو عورت خود صفائی کر سکتی ہے،

اس کی شرمگاہ کے بال کسی دوسری عورت کا صاف کرنا شرعاً حرام ہے۔

اور اگر وہ مجبوری میں ایسا کر رہی ہے،

تو صرف ضرورت کے مطابق اور پردہ کے اہتمام کے ساتھ۔

💔 یاد رکھو بہن:

یہ وہ اعضاء ہیں جنہیں نبی ﷺ نے شرمگاہ کہا —

ان کا ظاہر کرنا بھی گناہ ہے اور دیکھنا بھی۔

ایسی غلط عادتیں اگر عام ہو جائیں تو امت کی حیاء ختم ہو جاتی ہے۔

نبی ﷺ نے فرمایا:

"إذا لم تستحِ فاصنع ما شئت"

جب تم میں سے حیاء ختم ہو جائے تو پھر جو چاہو کرو۔

(بخاری: 3483)

🌷 نتیجہ:

❌ عام حالات میں: عورت کا عورت سے شرمگاہ کے بال صاف کروانا حرام ہے۔

✅ صرف سخت مجبوری یا طبی ضرورت میں: اجازت ہے، وہ بھی محدود حد تک۔

🎥 ویڈیوز

عورت کا دوسری عورت کی شرمگاہ کے بال صاف کرنا

https://www.youtube.com/watch?v=6PeMV5lShOs

💫 دعا کے ساتھ اختتام:

اللہ ہمیں حیاء، طہارت اور حدودِ شرعیہ کا پاس رکھنے والا بنائے،

اور جنہیں یہ بات پہنچے وہ عمل کرنے والی بن جائیں۔

آمین

دولت کی شکلیں

سوشل میڈیا پر دولت کے حوالے سے ایک اچھی تحریر ملی جو شیئر کررہا ہوں کیونکہ اس حوالے سے انسان کا مائنڈسیٹ دولت کو موازنہ نہیں کرتا۔ زیادہ تر لوگ دولت کو "پیسوں کے نظریے" سے دیکھنے کے عادی ہوچکے ہیں۔

تحریر ملاحظہ کیجئے:

دولت کی کئی شکلیں ہیں اور اللہ تعالی نے دنیا میں سب کو دولت دی ہے دولت کی ایک شکل مٹیریل اور کرنسی ہے جو لوگوں کے پاس ہوتی ہے دوسری شکل اچھی صحت ہے ....اچھے ماں باپ ہیں ....خونی رشتے ہیں.... جو اپ کے پاس ہیں.... دولت کی دوسری شکل اپ کے پاس ہے..., اچھے سے کبھی اسپتال کا وزٹ کریں تو پتہ چلے گا ... یہ جو اچھی صحت کی دولت اپ کے پاس ہے ....اس کو جینے کے لیے کتنے نوجوان ارزو کرتے ہیں کسی 25 سال کے نوجوان کو معدے کا کینسر ہے وہ منہ سے اپنی خوراک نہیں لے سکتا ...کسی کو پیر کا کوئی مسئلہ ہے وہ چل نہیں سکتا اپ کی طرح کوئی نوجوان جوانی میں گردے کے مسئلے میں ہے پھیپھڑوں کے مسئلے میں کڈنی کے مسئلے میں مبتلا ہو گیا ۔۔۔۔وہ زندگی کو اس طرح سے انجوائے نہیں کر سکتا وہ نارمل کام بھی نہیں کر سکتے اور دوسروں کے محتاج پڑے ہوئے ہیں اور صرف اپ کی جیسی صحت والی زندگی جینا چاہتے ہیں اپنی تمام دولت دے کر بھی کچھ لوگوں کے پاس اپ جیسی صحت نہیں ہے اپ جیسے خونی رشتے نہیں ہیں ان کے ماں باپ بھی نہیں ہیں جو ان کو دعائیں دیتے ہیں جو ان کے کام کو اپریشیٹ کرتے ہیں جو ان سے پوچھتے ہیں کہ بیٹا اج کھانا کھایا ہے یا نہیں اج تھا کہ وہ تو نہیں ہو کچھ لوگوں کے پاس بہن بھائی جیسی دولت نہیں ہے جو ان کا خیال کرتی ہے جو ان کے ساتھ کھیلتی اور انگنت نعمتیں ہیں اللہ تعالی کی جو اب گننا شروع کر دے تو صبح سے شام ہو جائے وہ نعمتیں ختم نہ ہوں وہ دولتیں ختم نہ ہو میرے بھائی چھوٹی چھوٹی خوشیوں میں چھوٹی چھوٹی نعمتوں میں اپنی خوشی تلاش کرے ماں باپ کا سر پہ دست شفقت ہونا ہی کافی ہے کیا گاڑی ضروری تو نہیں ہے ان بنگلوں میں ان پراپرٹی رکھنے والوں کے پاس ان اونچی اونچی گاڑیوں میں بیٹھنے والوں کے پاس ان کے پاس کتنے بڑے بڑے دکھ ہیں یہ کسی کو پتہ نہیں ہے تو اس بات کو حضرت نہ بنائیں خواہش ضرور ہونی چاہیے انسان کے خواب ضرور ہونا چاہیے تاکہ وہ اس پہ محنت کر سکے لیکن اس خواہش کو حسرت اور غم کی صورت نہ بنائے باقی اللہ تعالی اپ کے خواب پورے کرے امین

ایک امید کی آہٹ خوفزدہ عزت دار عورتوں کے لیے

یہ پوسٹ سوشل میڈیا سے ملی ہے۔ پہلے اسے پڑھو پھر میرا کمنٹ پڑھو اگر تم بھی معاشرے کے ہوس زدہ مردوں کے ہاتھوں ڈر اور خوف کا شکار بن چکی ہو۔

دن بدن بڑھتے ہوئے اس فعل کو روکنے کے لیے کون کون میرے ساتھ ہے

 — ایک راز دارانہ حوالہ

یہ کہانی مجھے میرے ایک جاننے والے نے دی، جو تفتیشی شعبے/خفیہ ادارے سے منسلک ہے۔ اُس نے کہا کہ یہ ایک خاتون کی اصل رپورٹ تھی — ثبوت کے ساتھ۔ وہی الفاظ میں تمہارے سامنے رکھ رہی ہوں۔ اور اب نادیہ خود کہتی ہے:

---

میرا نام نادیہ ہے۔

میں لاہور کے ایک عام سے محلے میں رہتی ہوں۔ گھر میں کچن، بچوں کی دیکھ بھال، ساری روزمرہ کی چھوٹی بڑی ذمّہ داریاں میری ہی  ہیں۔ میں نے اب تک بہت کچھ سہا ہے—شکایت کم، برداشت زیادہ۔ مگر آج تمہیں وہ دن بتاؤں گی جب میرا ایک عام سا دن میرے لیے ایک پورا بوجھ بن گیا۔

. میں نے بچوں کے ناشتے کے بعد بیٹے کے لیے اسکول کا لنچ تیار کیا، گھر کے برتن دھوئے، اور چیک کیا کہ کھانا پکانے کے لیے گھر میں لانے والے سامان میں سے کس چیز کی کمی ہے دکانوں پر آج کچھ سامان لینا ہے یا ایسے ہی گزارا ہو جائے گا۔ صبح کے یہ چھوٹے چھوٹے کام کسی بھی عام ماں کی طرح میرے لیے معمول تھے۔ میں نے بچوں کو اسکول بھیجا، پھر رکشہ پکڑا اور قریبی مارکیٹ کی طرف نکل گئی۔

بازار میں رش تھا۔ عورتیں، بچے، دکاندار، گاڑیاں—سب کا اپنا اپنا کام۔ میں ایک سبزی کی دکان کے پاس رک گئی اور کمِ قیمت والی سبزیاں لینے لگی۔ اچانک مجھے لگا کسی کی نظر میرے پیچھے جم گئی ہے۔ میں نے سیدھا منہ نہیں موڑا، بس ہاتھ آگے بڑھا کر پلاسٹک بیگ مضبوط کیا۔   —نہ ہی کوئی زور سے کوشش تھی—بس ایک ہاتھ سا گرد ہوتے ہوئے میرے کندھے کے قریب سے چھو کر گیا، پھر ہنسی کی طرح ہوا میں کھو گیا۔ میں نے سوچا شاید بیگ پکڑتے ہوئے کسی کا ہاتھ مس کر گیا ہو😔 ، مگر وہ نظر پھر بھی پیچھے کھڑی تھی—ایک آدمی، جو ہنستے ہوئے آگے بڑھ رہا تھا اور میرے پاس سے گزرا۔ اس کے چہرے پر وہی اطمینان تھا جو مجھ جیسی عورت کے خوف پر مبنی ہوتا ہے۔

میں نے اندر کھنچ کر سانس لی، مگر دِل کے اندر ایک چِبھن سی رہ گئی۔ یہ بات ایک لمحے کی بھی سہی، مگر تب سے میرا دماغ تھرتھرا رہا تھا۔ میں نے اپنے آپ کو منایا: "چلو، کام کر کے واپس آتی ہوں"۔

اسکول پک اپ اور بڑھتی ہوئی بے آرامی

دوسرا واقعہ شام کو ہوا، جب میں بچے کو اسکول سے لینے گئی۔ بچے کے ساتھ چلنا کوئی کمال کا کام نہیں، مگر شہر کی سڑکیں عموماً ایسی ہوتی ہیں کہ ایک ماں کی نظر اپنے بچے پر ہی ہوتی ہے۔ اسکول کے باہر ایک بندہ بار بار میری طرف عجیب نظروں سے دیکھتا ہوا ا رہا تھا—پہلے  دور، پھر قریب۔ اس نے کسی بھی شکل میں ہاتھ بڑھایا نہیں مگر اس کی نظریں بتا رہی تھیں کہ وہ ایک نقشہ بنا رہا ہے: کون سی گلی سے میں جاؤں گی، کون سی بس میں بیٹھوں گی۔ جب ہم بس کے قریب پہنچے تو اسی آدمی نے بس کے اندر ہاتھ رکھ کر آگے سے مجھے ٹکرایا😔 — اتنا معمولی کہ لوگ نہ سمجھیں، مگر اتنا کافی کہ میرے بازو میں کانپ سی آگئی۔ بچے نے پوچھا، " ماما، کچھ ہوا؟" میں نے ہنستے ہوئے کہا، "نہیں بیٹا، کچھ نہیں"—لیکن اندر کا خوف بڑھتا گیا۔

میں نے سوچا—کیا میں سیکڑوں چیزیں برداشت کرتی رہوں؟ مگر گھر کے حالات، بچوں کی ذمہ داریاں، اور لوگوں کا وہ سوال—"کیا تم نے کچھ کہہ دیا؟"—یہ سب مل کر مجھے چپ  کرا دیتے ہیں۔ پھر بھی، اپنے اندر ایک نگاہ تھی جو کہتی تھی کہ یہ ٹھیک نہیں۔

 ہم سے دو گلیاں چھوڑ کر ہمارے ایک رشتہ دار کا گھر تھا انہوں نے ہمیں اپنے گھر دعوت پر مدو کیا تھا چونکہ گرنزدیک تھا اور ماشاءاللہ سے ایک بائک پر سب بچوں کا اور میرا پورا انا مشکل تھا تو ہسبینڈ الگ ایک بچے کو بٹھا کر چلے گئے اور واپسی پر میں اپنے تین بچوں کے ساتھ پیدل ارہی تھی — رشتہ دار کے گھر سے واپسی اور وہ لمحہ

رات کو میں اپنے رشتہ دار کے گھر سے واپس آ رہی تھی۔ ۔ راستہ سنسان تھا مگر گھر والوں کا خیال تھا کہ رات کے اس وقت جانا خطرناک نہیں کیونکہ ہمارا گھر کوئی ویران جگہ پر نہیں تھا چہل پہل والا علاقہ تھا۔ ، بیگ ہاتھ میں تھا، اور فون بیگ میں بند تھا۔ اسی دوران ایک دو لڑکے ایک موٹر سائیکل پر آئے دیکھنے میں اچھے گھر کے نوجوان لڑکے تھے—پہلے وہ معمولی سی آوازیں نکال رہے تھے، پھر انہوں نے آہستہ آہستہ  پاس سے گزرتے ہوئے میری طرف 😔بدتمیزی کرنے کی کوشش کی۔ اس دفعہ ایک نے ہاتھ بڑھایا—بہت ہلکے سے، مگر جان بوجھ کر—اور میرا جسم سنبھل گیا۔ بچے کا خیال تھا کہ یہ وہی عام شہر کی باتیں ہیں، مگر میرے اندر ایک سیڑھی سی ٹوٹ گئی۔

میں نے اپنی آواز دبا کر چپ ساتھ لی لیکن  انکھیں انسوں سے بھر گئی—بچوں کی وجہ سے، آئندہ سوچ کر، اور ایک عورت کی وہ دیرینہ عادت کہ ’بولنے سے مسائل بڑھیں گے۔‘ میں نے خود سے کہا، "بس، آئندہ میں ایسا نہیں ہونے دوں گی"—مگر ان الفاظ کی قوت کم تھی، کیونکہ کس کے سامنے، کس طرح؟

میں نے جب گھر پہنچ کر سوچا تو رات بھر وہ منظر آنکھوں سے نہیں گئے ہاتھ لگا کر جانے والوں میں کچھ لوگ ایسے بھی بارش تھے جن کو دیکھ کر انسان ادب سے انکھیں اور سر جھکا لے کچھ بچے تھے کہ جن کو ہم اپنی اولاد کہہ سکیں ہمارے بچوں جتنے بچے میں بہت ٹوٹ چکی تھی لیکن چونکہ ٹوٹنے کے بعد انسان میں سنبھلنے کا حوصلہ پیدا ہوتا ہے میں نے بہت سوچا پھر میں نے کوئی فیصلہ کیا۔ میں نے اپنے پاس موجود چھوٹے چھوٹے نوٹس، وقت، جگہ، اور اگر کوئی تھا تو گاڑی کی تفصیل نوٹ کی۔ پھر میں نے ایک جاننے والے کو فون کیا جو واقعی تفتیشی ادارے میں کام کرتا ہے۔ اس نے بڑے صبر سے میری کہانی سنی اور کہا، "یہ چھوٹی چیزیں ہی بعد میں بڑا مسئلہ بن جاتی ہیں۔ ثبوت جمع کرو، ہم دیکھیں گے۔"

میں نے ہمت کی اور پولیس اسٹیشن جا کر رپورٹ درج کروائی—میں نے جتنا بتا سکتی تھی اتنا بتایا۔ مگر میں جانتی تھی کہ شاید فوراََ کوئی کارروائی نہ ہو۔ اسی لیے میں نے اپنے پاس جو بھی ثبوت جمع کرنے شروع کیے کیونکہ یہ کام کوئی ایک دن کا تو تھا نہیں اور جب موبائل کھولتی تو ہر دوسری خبر پر یہی کچھ چل رہا ہوتا تھا—

سی سی ٹی وی فوٹیج — 

کچھ دن بعد وہ جاننے والا جس نے میری بات سنی تھی، مجھے ایک ویڈیو دکھانے آیا۔ وہ ویڈیو بازار کے ایک کیمرے کی تھی—ساتھ میں ایک دکان کے مالک کی گواہی بھی تھی۔ اس ویڈیو میں وہی موٹر سائیکل چلانے والے دو آدمی صاف نظر آئے، جن کی ایک ادائیگی، وہی نظریں، اور وہی حرکتیں تھیں۔ ویڈیو میں واضح تھا کہ انہوں نے کس وقت کہاں سے گزرا، کون سے راستے اختیار کیے، اور کس لمحے ایک نے میری طرف ہاتھ بڑھایا۔

جب میں نے وہ فوٹیج دیکھی تو میرا دل ایک ہی سانس میں بیٹھ گیا—دکھ کے ساتھ ایک عجیب سی طاقت بھی محسوس ہوئی۔ دل نے کہا، "دیکھا؛ تم نے ثابت کر دکھایا"۔ مگر وہی خوف بھی تھا کہ اگر لڑکے پکڑے گئے تو کون سی سزا ملے گی؟ کیا یہ دوبارہ ہوگا؟ مگر میں نے فیصلہ کیا کہ میں اس کو خاموشی میں نہیں چھوڑوں گی۔

— کچھ نے کہا کہ اگر تم بھی اپنے اپ کو ڈھانپ کر نکلو تو کسی کی جرات نہیں کہ تمہیں ہاتھ لگا سکے کچھ نے کہا کہ تم جتنا بھی اپنے اپ کو کور کر لو کہ جب تک اگلوں کی انکھوں میں حیا اور عزت نہیں ائے گی تب تک کچھ نہیں ہوگا کچھ نے ساتھ دیا، کچھ خاموش رہے

جب میں نے یہ باتیں اپنے محلے والوں کو بتائیں تو مختلف ردعمل ملا۔ کچھ لوگوں نے کہا، "یہ تو نارمل ہوتا جا رہا ہے"، کچھ نے ہمدردی دکھائی اور ساتھ کھڑے ہوئے، اور کچھ نے طنزیہ تبصرے کیے۔ میرے خاندان میں بھی مختلف آوازیں آئیں—کسی نے کہا "شرمندگی نہیں"، کسی نے کہا "اب جتھہ بنانا خطرناک ہے"۔ مگر میں جانتی تھی کہ سب سے بڑا سوال یہی ہے: اگر آپ خود اپنی آنکھ سے غیر اخلاقی حرکت دیکھیں تو کیا کریں گے؟

  — نادیہ کی آواز سے پکار

میں تم سے براہِ راست کہتی ہوں—جو بھی یہ پڑھ رہا ہے: اگر تمہیں کبھی اپنی آنکھوں سے ایسا کچھ نظر آئے تو رک جاؤ۔ ویڈیو بناؤ، موبائل نکالو اور ریکارڈ کرو، اور فوراً پولیس یا قریبی دکان داروں کو بتا کر اس شخص کو پابند کرو۔ بہت سی بار یہی ویڈیو اور فوراً کی گئی گرفتیں بعد میں ثبوت کا کام دیتی ہیں۔ خاموشی اس ظلم کو فروغ دیتی ہے۔

میرے پاس یہ طاقت اس لیے آئی کہ میرے پاس ثبوت تھے—اور ایک جاننے والے کی مدد تھی۔ مگر ہر عورت کے پاس یہ موقع نہیں  ہوتا ہے۔ اسی لیے میں تم سے کہتی ہوں:

جب بھی تم کسی غیر اخلاقی حرکت دیکھو، ریکارڈ کر لو؛

اگر ممکن ہو تو ملحقہ دکان داروں یا مردوں کو آواز دو کہ آ کر دیکھیں؛

فوراً پولیس کو اطلاع دو اور موقع پر موجود لوگوں سے گواہی  لو؛

اگر بچے یا دوسری عورتیں وہاں ہوں تو پہلے اُن کی حفاظت کر لو؛

اور اگر تم خود ایسی چیز کا شکار ہو تو شرمندگی مت کرو—تم خود قصوروار نہیں ہو۔

 — ایک امید کی آہٹ

میں یہ سب اس لیے لکھ رہی ہوں کیونکہ میرے اندر وہ دن پھر ابھر آتا ہے—ہر چھوٹی حرکت، ہر سرگوشی، ہر رات کی تنہائی۔ مگر آج جب میں یہ الفاظ لکھ رہی ہوں تو میں چاہتی ہوں کہ ہماری گلیاں، ہماری مارکیٹیں، ہمارے راستے—سب امن کی طرف جائیں۔ اور تم جو یہ پڑھ رہی ہو، تم بھی ایک چھوٹی سی روشنی بن سکتی ہو: ایک ویڈیو، اور اگر یہ تحریر اس انسان نے پڑھی ہے جو راستوں پہ پھرتے ہوئے چہرے سے شریف لگتا ہے لیکن حرکتیں ایسی کرتا ہے تو ان کو میں بتا دوں کہ ان کے گھر میں جو ان کی بیوی ماں بہن بیٹی ہے وہ سب بھی ویسے ہی دکھتی ہے اس کا جسم بھی ویسا ہی ہے جیسا ایک راہ چلتی دوسرے کی بیوی بہن اور بیٹی کا ہے ایک آواز، ایک گرفت—یہ سب کافی ہیں۔

یہ کہانی مجھے میرے ایک جاننے والے نے ثبوت کے ساتھ دی تھی—اور میں نے اُس کی زبان میں وہی الفاظ آپ کے سامنے رکھ دیے۔ اگر تم نے کبھی کچھ دیکھا تو خاموش مت رہنا؛ ویڈیو بناؤ، مدد کرو، اور ذرا سی ہمت دکھاؤ۔ یہ شہر، ہماری سڑکیں، ہم سب کی حفاظت کے لیے ضروری ہے۔

— نادیہ

اب میرا کمنٹ پڑھو

میں نے تو بسوں میں سفر کرنا اس لیے چھوڑ دیا تھا کہ میں تنگ آچکا تھا ان لڑائی جھگڑوں سے اور عورتوں کی خاموشی سے۔ پوری بس میں اکیلا چیخ رہا ہوتا تھا، ڈیفینڈ کررہا ہوتا تھا، اس مردود کے خلاف بولتا تھا جو غلط حرکات کرتا تھا اور میں نوٹس کرتا تھا مگر پوری بس کے مرد حضرات شکل دیکھ رہے ہوتے تھے اور میں، وہ چھوٹا سا ایک بچہ تب کا، سمجھتا تھا شاید کہ میں ہی غلط ہوں۔ جب خواتین ہی چپ سادھ لیں اور ان کے لیے بولنے والے پر بھی کھڑی نہ ہوسکیں اور جس کے لیے آواز اٹھاو وہی بزدلی کی چادر تان لے تو مجھ جیسا اس وقت کا بچہ کس کس سے لڑے گا؟

آج الحمدللہ، جان چھڑاچکا ہوں اس معاشرے کی ان غلاظتوں سے اور ان راستوں سے اور ان بسوں سے مگر میں جانتا ہوں کہ آج میری جوانی کے دور میں، وہ راستے وہ بسیں اور وہ بازار پہلے سے زیادہ عبرتناک ہوچکے ہیں جس کا اندازہ مجھے میڈیا پر خبروں سے ہوتا رہتا ہے۔

میں جانتا ہوں ان لوگوں کو کیسے لگام ڈالی جاسکتی ہے۔ میں چاہوں تو ایسے ایسے جال بچھادوں کہ یہ لوگ اپنی موت آپ مرجائیں مگر مسئلہ یہ ہے کہ ادارے والے ہی اگر کچھ نہ کرنا چاہیں تو پھر کون کیا کرے؟

جب پولیس کا ملازم کسی عورت کا ریپ کرتا ہے

جب ڈاکٹر اپنی نرس کا ریپ کرتا ہے

جب جج کسی کا ریپ کرتا ہے

جب وکیل کسی کا ریپ کرتا ہے

جب آرمی آفیسر کسی کا ریپ کرتا ہے

جب حکمران کسی کا ریپ کرتا ہے

تب کوئی آواز اٹھانے کی جرات کرسکے گا؟

انہیں تو اللہ ہی ذلت کی موت دے گا

تب جاکر ہوش ٹھکانے لگیں گے کہ اللہ کا عذاب کیا چیز ہے۔

عورتیں - بس "ہمت" سے بولنا سیکھِیں، اسلام کے مطابق ہر نامحرم سے "میٹھی آواز" میں بات کرنا بند کردیں۔ کام کی بات کریں ورنہ راستہ صاف کریں ۔ کوئی آگے بڑھے تو پتھر اٹھاکر سر پر ماریں، بے غیرت کو ڈر بہت ہوتا ہے ۔ کیمرے سے ڈرتا ہے - پلاننگ خوب کرتا ہے - پولیس سے ڈرتا ہے - ثبوتوں سے جان جاتی ہے - اپنے اپنے پاس خفیہ کیمرہ ریکارڈر ایپ موبائل میں انسٹال کرو - جب کسی سے ملنے جاو، تنہائی، آفس، باس وغیرہ تب موبائل سائلنٹ موڈ پر اسکرین آف کرکے ریکارڈر آن رکھو - ثبوت خود بنتے چلے جائیں گے۔ بعد میں اس کی ایسی تیسی کروادو۔

اس کے رشتہ داروں کو بتاو، لوگوں کو بتاو، عوام کو بتاو، اداروں کو بتاو مگر خود کو بھی مضبوط بناو - چپ رہو گی تو ماری جاو گی۔

عزت کی موت ذلت کی غلامی سے بہتر ہے۔

اسلام میں لونڈیوں کی اجازت

ابو یحیی کا یہ مضمون پڑھا۔۔۔

اسلام اور لونڈیاں ۔ ابویحییٰ

مجھ سے مختلف حوالوں سے بار بار یہ سوال کیا جاتا ہے کہ اسلام میں لونڈیوں کا کیا تصور ہے۔ یہ سوال کیا جاتا ہے کہ قرآن مجید میں اگر ان کا ذکر آگیا ہے تو قرآن مجید کے احکام کی ابدی نوعیت کے پیش نظر ان سے تمتع کرنا (جنسی تعلق قائم کرنا) ابھی بھی جائز ہونا چاہیے۔ بلکہ عملی طور پر بہت سے لوگ آج بھی گھریلو خادماؤں سے یا بے سہارا لڑکیوں کو اپنے پاس رکھ کر اسی بنیاد پر ان سے تعلق قائم کرتے ہیں۔ اس کے ردعمل میں بعض حلقوں کی طرف سے یہ استدلال پیش کیا جاتا ہے کہ لونڈیاں بھی منکوحہ بیویاں ہی ہیں۔ مگر ظاہر ہے کہ قران مجید کے کئی بیانات اس بات کی باصراحت نفی کرتے ہیں اس لیے یہ استدلال بالکلیہ رد کر دیا جاتا ہے۔ آج انشاء اللہ میں اسی نوعیت کے سوالات کا جواب دینے کی کوشش کروں گا۔

دو قسم کے احکام

اس معاملے میں بنیادی مسئلہ یہ ہے کہ قرآن مجید میں اس حوالے سے بیان ہونے والے احکامات کی نوعیت کو درست طور پر سمجھا جاتا ہے نہ بیان کیا جاتا ہے۔ ہمارے نزدیک قرآن مجید میں مرد و زن کے تعلق کے حوالے سے دو طرح کے احکام پائے جاتے ہیں۔ ایک احکام وہ ہیں جو نزول قرآن کے وقت رائج حالات کے پس منظر میں ہیں۔ دوسرے احکام وہ ہیں جو بطور ابدی شریعت کے دیئے گئے ہیں۔

پہلی قسم کے احکام وہ ہیں جن میں اللہ تعالیٰ نے معاشرے میں لونڈیوں کی موجودگی کے باوجود ان سے تمتع کرنے کی اجازت دی تھی۔ یہ ایک مسلمہ تاریخی حقیقت ہے کہ نزول قرآن کے وقت گھر گھر لونڈیاں موجود تھیں۔ مگر اس کے باوجود قرآن مجید جب نازل ہوا تو اس نے لوگوں کو میاں بیوی کا تعلق قائم کرنے سے نہیں روکا اور اس حوالے سے کوئی قانونی ممانعت ہمیں نظر نہیں آتی۔ ان قرآنی بیانات کی مثالیں درج ذیل ہیں۔

مکی دور کی دو سورتوں (معارج ۳۰:۷۰، مومنون۶:۲۳) میں ارشاد ہوتا ہے۔

’’اور جو اپنی شرمگاہوں کی حفاظت کرتے ہیں مگر اپنی بیویوں سے یا (کنیزوں سے) جو ان کی مِلک ہوتی ہیں کہ (ان سے) مباشرت کرنے سے انہیں ملامت نہیں اور جو ان کے سوا اوروں کے طالب ہوں وہ (اللہ کی مقرر کی ہوئی حد سے) نکل جانے والے ہیں۔‘‘

یہ اس ضمن کی صریح ترین آیت ہے کہ بیویوں کے علاوہ لونڈیوں سے تعلق قائم رکھنے کو قرآن نے اپنے نزول کے وقت ہرگز نہیں روکا تھا۔ یہی صورتحال ہجرت مدینہ کے بعد رہی۔ جنگ احد میں جب بہت سے مسلمانوں کی شہادت ہوگئی اور ہر دوسرے گھر میں بیواؤں اور یتیموں کا مسئلہ پیدا ہوا تو قرآن مجید نے اس موقع پر عرب کے ایک اور رواج یعنی دوسری شادی کو بطور حل پیش کیا۔ مگر ایک سے زیادہ شادیوں میں یہ شرط لگا دی کہ چار سے زیادہ شادیاں نہ ہوں۔ ساتھ ہی تعدد ازواج کو عدل سے مشروط کر دیا۔ پھر فرمایا کہ اگر بیویوں میں عدل نہ کرسکو تو پھر ایک سے زیادہ بیوی نہیں کرسکتے، ہاں لونڈیوں سے تمتع البتہ جائز ہے۔ ارشاد باری تعالیٰ ہے:

’’اور اگر ڈر ہو کہ ان (بیویوں) کے درمیان عدل نہ کرسکو گے تو ایک ہی بیوی رکھو، یا پھر لونڈیاں جو تمھاری ملک میں ہوں‘‘،(النساء ۳:۴)

پچھلی آیات کی طرح یہاں بھی بیوی کے ساتھ علیحدہ سے لونڈی کا ذکر یہ واضح کرتا ہے کہ جو لونڈیاں اس وقت موجود تھیں قرآن نے ان سے مقاربت کو جائز قرار دیا تھا اور بیویوں کی طرح اس کے لیے نکاح کے کسی تعلق کو لازم قرار نہیں دیا تھا۔

اس ضمن میں قرآن مجید میں آخری آیت خود رسول اللہ صلی اللہ علیہ وسلم کے حوالے سے ہے جس میں آپ کو تعداد ازواج اور عدل کی مذکورہ بالا شرائط سے آزاد قرار دیا گیا ہے جن کی پابندی عام مسلمانوں کے لیے ضروری تھی۔ ارشاد باری تعالیٰ ہے:

’’اے پیغمبر ہم نے تمہارے لیے تمہاری بیویاں جن کو تم نے ان کے مہر دے دیے ہیں حلال کر دی ہیں اور تمہاری لونڈیاں جو اللہ نے تم کو (کفار سے بطور مال غنیمت) دلوائی ہیں اور تمہارے چچا کی بیٹیاں اور تمہاری پھوپھیوں کی بیٹیاں اور تمہارے ماموؤں کی بیٹیاں اور تمہاری خالاؤں کی بیٹیاں جو تمہارے ساتھ وطن چھوڑ کر آئی ہیں (سب حلال ہیں) اور کوئی مومن عورت اگر اپنے تئیں پیغمبر کو بخش دے (یعنی مہر لیے بغیر نکاح میں آنا چاہے) بشرطیکہ پیغمبر بھی ان سے نکاح کرنا چاہیں (وہ بھی حلال ہے لیکن) یہ اجازت خاص تم ہی کو ہے سب مسلمانوں کو نہیں۔ ہم کو معلوم ہے جو کچھ ہم نے ان کی بیویوں اور لونڈیوں کے باب میں فرض کیا ہے۔ (یہ) اس لیے (کیا گیا ہے) کہ تم پر کسی طرح کی تنگی نہ رہے۔ اور اللہ بخشنے والا مہربان ہے۔

(اور تم کو یہ بھی اختیار ہے کہ) جس بیوی کو چاہو علیحدہ رکھو اور جسے چاہو اپنے پاس رکھو۔ اور جس کو تم نے علیحدہ کر دیا ہو اگر اس کو پھر اپنے پاس طلب کرلو تو تم پر کچھ گناہ نہیں۔ یہ (اجازت) اس لیے ہے کہ ان کی آنکھیں ٹھنڈی رہیں اور وہ غمناک نہ ہوں اور جو کچھ تم ان کو دو اسے لے کر سب خوش رہیں۔ اور جو کچھ تمہارے دلوں میں ہے اللہ اسے جانتا ہے۔ اور اللہ جاننے والا اور بردبار ہے۔

(اے پیغمبر) ان کے سوا اور عورتیں تم کو جائز نہیں اور نہ یہ کہ ان بیویوں کو چھوڑ کر اور بیویاں کرو خواہ ان کا حسن تم کو (کیسا ہی) اچھا لگے مگر وہ جو تمہاری مملوکہ ہوں۔ اور اللہ ہر چیز پر نگاہ رکھتا ہے ۔‘‘، (الاحزاب ۵۲۔۵۰: ۳۳)

اس آخری آیت میں جو پابندی لگائی ہے کہ اس متعین دائرے سے باہر رسول اللہ صلی اللہ علیہ وسلم کے لیے کوئی عورت حلال نہیں، اس میں بھی استثنا صرف لونڈیوں کا ہے کہ نکاح کے بغیر بھی آپ ان کو رکھ سکتے تھے۔

ان احکام و بیانات میں یہ بات واضح ہے کہ لونڈیوں سے تمتع کرنے کی اجازت علی الاطلاق بغیر کسی نکاح کے معاہدے کے صرف اس دور کے رواج کی بنا پر دی گئی ہے جس کے تحت ایک مرد کے لیے یہ جائز تھا کہ وہ محض حق ملکیت کی بنا پر لونڈی سے تعلق قائم کرے، جس طرح وہ نکاح کر کے ایک آزاد عورت سے تعلق قائم کرسکتا تھا۔

ابدی احکام

مرد و زن کے تعلق کے حوالے سے دوسری قسم کے احکام وہ ہیں جو قرآن مجید کی ابدی شریعت کا حصہ ہیں۔ ان احکام میں قرآن مجید نے یہ بتایا ہے کہ مرد و زن کس بنیاد پر باہمی تعلق قائم کرسکتے ہیں۔ قابل ذکر بات یہ ہے کہ ان مقامات پر صرف نکاح کے رشتے کا ذکر کرکے یہ واضح کر دیا گیا ہے کہ صرف یہی وہ تعلق ہے جس کی بنیاد پر ایک مرد و عورت مقاربت کرسکتے ہیں۔ ان مقامات پر لونڈیوں کا ذکر کیا ہی نہیں گیا اور جہاں کیا گیا ہے وہاں یہ ذکر نکاح کے حوالے سے ہے۔ یہ احکام درج ذیل ہیں۔

’’اور مشرک عورتوں سے جب تک وہ ایمان نہ لائیں نکاح نہ کرنا۔ ایک مومن لونڈی ایک (آزاد) مشرکہ سے بہتر ہے اگرچہ وہ تمھیں بھلی لگے۔ اور مشرکوں کو جب تک وہ ایمان نہ لائیں (اپنی عورتیں) نکاح میں نہ دو۔ ایک مومن غلام ایک مشرک سے بہتر ہے۔ اگرچہ وہ تمھیں بھلا لگے‘‘،(بقرہ ۲:۲۲۱)

یہ نکاح کے حوالے سے قرآن کا ایک اہم حکم ہے جو یہ بتاتا ہے کہ کسی مشرک مرد یا عورت سے نکاح نہیں کیا جاسکتا۔ قرآن صاف کہتا ہے کہ نکاح کے لیے ایک آزاد مشرک عورت سے مومن لونڈی بہتر ہے۔ یہی معاملہ مومن غلام کا ہے کہ آزاد مشرک مرد سے بہتر ہے کہ ایک مومن غلام سے نکاح کا تعلق قائم ہو۔

سورہ مائدہ میں جب دین کا اتمام ہو رہا تھا اور شریعت کے آخری اور فیصلہ کن احکام دیے جارہے تھے تو وہاں اس حکم میں ایک رعایت یہ دی گئی کہ اہل کتاب کی عورتوں سے نکاح جائز ہے۔ دیکھیے اس موقع پر لونڈیوں کا ذکر بالکل حذف کر دیا گیا ہے۔

’’آج تمہارے لیے سب پاکیزہ چیزیں حلال کر دی گئیں ہیں۔ ۔ ۔ اور پاک دامن مومن عورتیں اور پاک دامن اہل کتاب عورتیں بھی (حلال ہیں) جبکہ ان کا مہر دے دو۔‘‘،(مائدہ ۵: ۵)

مرد و زن کے تعلق کے ضمن میں بنیادی آیت سورہ نساء کی درج ذیل آیات ہیں۔ جس میں یہ بتایا گیا ہے کہ کن خواتین سے نکاح حرام ہے۔ ارشاد باری تعالیٰ ہے:

’’تم پر تمہاری مائیں اور بیٹیاں اور بہنیں اور پھوپھیاں اور خالائیں اور بھتیجیاں اور بھانجیاں اور وہ مائیں جنہوں نے تم کو دودھ پلایا ہو اور رضاعی بہنیں اور ساسیں حرام کر دی گئی ہیں اور جن عورتوں سے تم مباشرت کر چکے ہو ان کی لڑکیاں جنہیں تم پرورش کرتے (ہو وہ بھی تم پر حرام ہیں) ہاں اگر ان کے ساتھ تم نے مباشرت نہ کی ہو تو (ان کی لڑکیوں کے ساتھ نکاح کر لینے میں) تم پر کچھ گناہ نہیں اور تمہارے صلبی بیٹوں کی عورتیں بھی اور دو بہنوں کا (ایک رشتہ نکاح میں) اکٹھا کرنا بھی (حرام ہے) مگر جو ہوچکا (سو ہوچکا) بے شک اللہ بخشنے والا (اور) رحم کرنے والا ہے۔

اور شوہر والی عورتیں بھی ( تم پر حرام ہیں) مگر وہ جو (اسیر ہو کر لونڈیوں کے طور پر) تمہارے قبضے میں آجائیں۔ یہ اللہ کا حکم ہے جس کی پابندی لازمی ہے۔ اور ان (محرمات) کے سوا اور عورتیں تم کو حلال ہیں اس طرح سے کہ مال خرچ کر کے ان سے نکاح کرلو۔ ۔ ۔

اور جو شخص تم میں سے مومن آزاد عورتوں (یعنی بیبیوں) سے نکاح کرنے کا مقدور نہ رکھے تو مومن لونڈیوں میں ہی جو تمہارے قبضے میں آگئی ہوں (نکاح کرلے) اور اللہ تمہارے ایمان کو اچھی طرح جانتا ہے تم آپس میں ایک دوسرے کے ہم جنس ہو تو ان لونڈیوں کے ساتھ ان کے مالکوں سے اجازت حاصل کرکے نکاح کر لو اور دستور کے مطابق ان کا مہر بھی ادا کردو۔‘‘،(نساء ۲۵۔۲۳: ۴)

اس آیت میں دو جگہ لونڈیوں کا ذکر ہے اور دونوں جگہ نکاح کے حوالے سے۔ یعنی اگر کوئی آزاد شادی شدہ عورت بطور لونڈی جنگ میں ہاتھ آجائے تو پھر اسے نئے نکاح کے لیے پچھلے شوہر سے طلاق کی ضرورت نہیں بلکہ اس کا سابقہ نکاح کالعدم تصور ہوگا۔ اسی طرح آگے وضاحت کی گئی ہے کہ ایک لونڈی سے اس کے مالک کی اجازت سے نکاح کیا جاسکتا ہے۔

قرآن مجید کے یہی وہ مقامات ہیں جن میں مرد و زن کے تعلق کو موضوع بنایا گیا ہے اور ان کے سرسری مطالعے سے بھی یہ بات صاف ظاہر ہے کہ اسلامی شریعت جس کے احکام قیامت تک کے لیے ہیں جب مرد و زن کے تعلق کو موضوع بناتی ہے تو صرف اور صرف نکاح کو اس کی بنیاد ٹھہراتی ہے۔ لونڈی کی ملکیت یا کسی اور بنیاد پر مرد و زن کے تعلق کی کوئی مثال اسلام کے ابدی احکام میں نہیں۔

قرآن اور غلامی

اسلامی شریعت کے اس مدعا کی وضاحت کے بعد یہ سوال پیدا ہوتا ہے کہ پھر کیا سبب ہے کہ قرآن مجید نے اپنے نزول کے وقت لونڈیوں کے ساتھ مقاربت کو جائز قرار دیا۔ کیوں نہ ایسا ہوا کہ ایک حکم کے ذریعے سے لونڈی غلاموں کا رکھنا ہی حرام قرار دے دیا جاتا۔ اس کے برعکس نہ صرف پہلی قسم کے احکام قرآن میں پائے جاتے ہیں جن میں لونڈیوں سے مقاربت کی اجازت ہے بلکہ متعدد مقامات پر لونڈی غلاموں کا ذکرخادموں کی حیثیت سے بھی ہے۔ کیا واقعی ان احکام وبیانات سے یہ ثابت ہوتا ہے کہ قرآن مجید غلامی کو برقرار رکھنا چاہتا تھا۔ کیا یہ واقعی اس کی منشا تھی کہ مسلمان جنگیں کرکے دوسرے لوگوں کو لونڈی غلام بنائیں۔ دنیا بھر سے معصوم بچے، بچیوں اور بڑوں کو حضرت یوسف کی طرح اغوا کیا جائے اور مسلمانوں کے بازاروں میں ان کی نیلامی ہو۔ مسلمانوں کے غلام ان کے کھیت اور کارخانوں کو چلا رہے ہوں اور لاتعداد لونڈیاں ان کے حرم میں سامان عیش کے طور پر موجود ہوں۔

ہم پورے اطمینان اور اعتماد سے یہ بات کہہ سکتے ہیں کہ قرآن مجید کی ہرگز ہرگز یہ منشا نہیں تھی۔ قرآن مجید نے نہ لوگوں کو لونڈی غلام بنانے کی اجازت دی اور نہ ایسا کوئی حکم کبھی دیا گیا۔ ہم پھر اس بات کو دہرانا چاہیں گے کہ قرآن مجید نے نہ لوگوں کو لونڈی غلام بنانے کی اجازت دی اور نہ ایسا کوئی حکم کبھی دیا گیا۔ مسئلہ یہ تھا کہ غلامی کی لعنت ہزاروں برس سے انسانی معاشروں میں موجود تھی۔ قرآن مجید قطعی طور پر اس لعنت کو ختم کرنا چاہتا تھا۔ مگر اس مقصد کے لیے اسلام نے انقلابی طریقہ اختیار نہیں کیا کہ ایک حکم سے ساری لونڈی غلاموں کو آزاد قرار دے دیا جائے۔

انقلابی تبدیلیوں کی یہ خصوصیت ہے کہ وہ جہاں ایک برائی کو ختم کرتی ہیں وہاں دس نئی برائیوں کو جنم دیتی ہیں۔ اسی وجہ سے اسلام نے برائیوں کے خاتمے کے لئے بالعموم انقلاب (Revolution) کی بجائے تدریجی اصلاح (Evolution) کا طریقہ اختیار کیا۔ نبی کریم صلی اللہ علیہ و سلم کے زمانے میں غلاموں کی حیثیت بالکل آج کے زمانے کے ملازمین کی تھی جن پر پوری معیشت کا دارومدار تھا۔ غلامی کے خاتمے کی حکمت عملی کو سمجھنے کے لیے اگر درج ذیل مثال پر غور کیا جائے تو بات کو سمجھنا بہت آسان ہو گا۔ خیال رہے کہ ہم اس مثال میں ملازمت کو غلامی جیسی برائی قرار نہیں دے رہے، بلکہ حکمت عملی کے پہلو سے ایک ایسی مثال پیش کر رہے ہیں جسے آج کا انسان باآسانی سمجھ سکتا ہے۔

ملازمت کی مثال

موجودہ دور میں بہت سے مالک (Employers) اپنے ملازمین کا استحصال کرتے ہیں۔ ان سے طویل اوقات تک بلامعاوضہ کام کرواتے ہیں، کم سے کم تنخواہ دینے کی کوشش کرتے ہیں، بسا اوقات ان کی تنخواہیں روک لیتے ہیں، خواتین ملازموں کو بہت مرتبہ جنسی طور پر ہراساں کیا جاتا ہے۔ ان حالات میں آپ ایک مصلح ہیں اور یہ چاہتے ہیں کہ دنیا سے ملازمت کا خاتمہ ہوجائے اور تمام لوگ آزادانہ اپنا کاروبار کرنے کے قابل ہو جائیں۔ آپ نہ صرف ایک مصلح ہیں، بلکہ آپ کے پاس دنیا کے وسیع و عریض خطے کا اقتدار بھی موجود ہے اور آپ اپنے مقصد کے حصول کے لیے بہت کچھ کرسکتے ہیں۔

ان حالات میں آپ کا پہلا قدم کیا ہوگا؟ کیا آپ یہ قانون بنا دیں گے کہ آج سے تمام ملازمین فارغ ہیں اور آج کے بعد کسی کے لیے دوسرے کو ملازم رکھنا ایک قابل تعزیر جرم ہے؟ اگر آپ ایسا قانون بنائیں گے تو اس کے نتیجے میں کروڑوں بے روزگار وجود پذیر ہوں گے۔ یہ بے روزگار یقیناً روٹی، کپڑے اور مکان کے حصول کے لیے چوری، ڈاکہ زنی، بھیک اور جسم فروشی کا راستہ اختیار کریں گے، جس کے نتیجے میں پورے معاشرے کا نظام تلپٹ ہوجائے گا اور ایک برائی کو ختم کرنے کی انقلابی کوشش کے نتیجے میں ایک ہزار برائیاں پیدا ہوجائیں گی۔

یہ بات بالکل واضح ہے کہ ملازمت کے مسئلے کو حل کرنے کے لئے تدریجی اصلاح کا طریقہ ہی کارآمد ہے۔ اس طریقے کے مطابق مالک و ملازم کے تعلق کی بجائے کوئی نیا تعلق پیدا کیا جائے گا۔ لوگوں میں یہ شعور پیدا کیا جائے گا کہ وہ اپنے کاروبار کو ترجیح دیں۔ انہیں کاروبار کرنے کی تربیت دی جائے گی۔ جو لوگ اس میں آگے بڑھیں، انہیں بلا سود قرضے دیے جائیں گے اور تدریجاً تمام لوگوں کو ملازمت کی غلامی سے نجات دلا کر مکمل آزاد کیا جائے گا۔

عین ممکن ہے کہ اس سارے عمل میں صدیاں لگ جائیں۔ ایک ہزار سال کے بعد، جب دنیا اس مسئلے کو حل کرچکی ہو تو ان میں سے بہت سے لوگ اس مصلح پر تنقید کریں اور یہ کہیں کہ انہوں نے فوری طور پر ایسا کیوں نہیں کیا، ویسا کیوں کیا مگر اس دور کے انصاف پسند یہ ضرور کہیں گے کہ اس عظیم مصلح نے اس مسئلے کے حل کے لیے تدریج کا فطری طریقہ اختیار کیا تھا۔ اور ایسا نہ کیا جاتا تو معاشرہ تباہ و برباد ہوجاتا۔

اب اسی مثال کو رسول اللہ صلی اللہ علیہ و سلم اور آپ کے صحابہ رضی اللہ عنہم پر منطبق کیجیے۔ اسلام غلامی کا آغاز کرنے والا نہیں تھا، بلکہ وہ اسے ورثے میں ملی تھی۔ اسلام کو اس مسئلے سے نمٹنا تھا۔ عرب میں بلامبالغہ ہزاروں لونڈی غلام موجود تھے۔ وہ زندگی کے ہر میدان میں کام کر رہے تھے۔ اگر ان سب غلاموں کو ایک ہی دن میں آزاد کر دیا جاتا تو نتیجہ اس کے سوا کچھ نہ نکلتا کہ ہزاروں کی تعداد میں طوائفیں، ڈاکو، چور، بھکاری وجود میں آتے جنہیں سنبھالنا شاید کسی کے بس کی بات نہ ہوتی۔ چنانچہ اسلام نے ایک تدریجی طریقے سے اس مسئلے کو حل کیا۔ اس ضمن میں جو اقدامات کیے گئے ان میں سے کچھ اہم یہ ہیں:

غلامی ختم کرنے کے اقدامات

رسول اللہ صلی اللہ علیہ و سلم نے صحابہ کو غلاموں کے ساتھ عمدہ برتاؤ کرنے کی تربیت دی۔ انہیں یہ حکم دیا کہ جو تم خود کھاؤ وہی انہیں کھلاؤ، جو خود پہنو، وہی انہیں پہناؤ اور ان کے کام میں ان کی مدد کرو۔ غلاموں کو اپنا بھائی سمجھو، ان کا خیال رکھو اور ان پر ظلم نہ کرو۔ اسی تربیت کا نتیجہ یہ نکلا کہ صحابہ اپنے غلاموں سے اچھا برتاؤ کرنے لگے اور ان کا معیار زندگی بلند ہوگیا۔ سیرت و روایات کے ذخیرہ میں ایسی بہت سی مثالیں موجود ہیں۔ سیدنا ابوذر غفاری رضی اللہ عنہ اور ان کے غلام کو دیکھ کر یہ پہچاننا مشکل تھا کہ آقا کون ہے اور غلام کون ہے۔ سیدہ اسماء رضی اللہ عنہا اپنے غلاموں سے بیٹوں کا سا سلوک کرتیں وغیرہ۔

حضور صلی اللہ علیہ وسلم نے صحابہ کو حکم دیا کہ اپنے غلاموں اور لونڈیوں کو اعلیٰ اخلاقی تربیت دیں اور انہیں آزاد کر دیں۔ لونڈیوں کو آزاد کرنے کے بعد ان سے شادی کرنے کو ایسا کام قرار دیا جس پر اللہ تعالیٰ کے حضور دوہرے اجر کی نوید ہے۔ بعد کے دور میں ہمیں ایسے بہت سے غلاموں یا آزاد کردہ غلاموں کا ذکر ملتا ہے جو علمی اعتبار سے جلیل القدر علما صحابہ کے ہم پلہ تھے۔ ایک مثال سیدنا سالم رضی اللہ عنہ تھے جن کا شمار ابی بن کعب، عبد اللہ بن مسعود اور معاذ بن جبل رضی اللہ عنہم جیسے جلیل القدر صحابہ میں ہوتا ہے۔

مثال قائم کرنے کے لیے حضور صلی اللہ علیہ وسلم نے اپنے تمام غلام آزاد کیے یہاں تک کہ اپنی وفات کے وقت آپ کے پاس کوئی غلام نہ تھا۔ آپ کے جلیل القدر صحابہ کا بھی یہی عمل تھا۔ سیدنا ابوبکر رضی اللہ عنہ نے اپنی دولت سے ایسے غلام خرید کر آزاد کیے جن پر ان کے مالک اسلام لانے کے باعث ظلم کرتے تھے۔ صحابہ کی تاریخ میں ایسے بہت سے غلاموں کا ذکر ملتا ہے جو آزاد کیے گئے تھے۔ ان کے حالات پر کئی کتابیں بھی لکھی گئیں جو کتب الموالی کہلاتی ہیں۔

دور جاہلیت میں آزاد کردہ غلاموں کو بھی کوئی معاشرتی مقام حاصل نہ تھا۔ نبی کریم صلی اللہ علیہ و سلم نے انہیں ان کے سابقہ مالکوں کا ہم پلہ قرار دیا۔

ایسے غلام جو آزادی کے طالب تھے، ان کی آزادی کے لیے قرآن نے "مکاتبت” کا دروازہ کھولا۔ اس کے مطابق جو غلام آزادی کا طالب تھا، وہ اپنے مالک کو اپنی مارکیٹ ویلیو کے مطابق قسطوں میں رقم ادا کر کے آزاد ہوسکتا تھا۔ صحابہ کرام ایسے غلاموں کی مالی مدد کرتے جو مکاتبت کے ذریعے آزاد ہونا چاہتے تھے۔ سیدہ عائشہ رضی اللہ عنہا نے ایک لونڈی بریرہ رضی اللہ عنہا کے مالک کو رقم ادا کر کے انہیں آزاد کروایا تھا۔ قرآن نے حکومتی خزانے میں سے ایسے غلاموں کی مالی امداد کا حکم دیا ہے۔ یہ وہ حکم تھا جس نے تدریجی اور قانون طریقے سے غلامی کی لعنت کے خاتمے کی بنیاد رکھ دی۔

غلامی کی سب سے بڑی جڑ جنگی قیدی تھے جن کو غلام بنایا جاتا تھا۔ قرآن نے جنگی قیدیوں کے بارے میں یہ حکم دیا کہ یا تو انہیں بلامعاوضہ آزاد کر دیا جائے یا پھر ان سے جنگی تاوان وصول کر کے آزاد کیا جائے۔ اس طرح نئے غلام اور کنیزیں بننے کا سلسلہ رک گیا۔

قرآن مجید میں غلامی کی ممانعت کا حکم

غلامی کے خاتمے کے حوالے سے دین اسلام کی اس تمام تر تعلیمات کے باوجود بہت سے لوگ چھوٹے ہی یہ سوال کر دیتے ہیں کہ قرآن میں غلامی کی ممانعت کا حکم کہاں ہے۔ یہ حکم جب نہیں ہے تو ہم آزاد خواتین کو پکڑ کر لونڈیاں بنانے میں حق بجانب ہیں۔ اس کا سادہ ترین جواب تو میں یہ دیا کرتا ہوں کہ یہ استدلال پیش کرنے والے یہ بات تسلیم کر رہے ہیں کہ کوئی طاقتور شخص یا کوئی دشمن ملک بالجبر ان کی اپنی خواتین کے ساتھ یہ سب کچھ کرے تو وہ حق بجانب ہوگا۔ کیا وہ اس ظلم کو ایک لمحے کے لیے بھی جائز تسلیم کریں گے؟

اس بات کا علمی جواب یہ ہے کہ قرآن مجید چیزوں کو حرام قرار دینے کے لیے دو طریقے اختیار کرتا ہے۔ ایک یہ کہ کسی چیزکا نام لے کر ممنوع قرار دے دیا جائے۔ جیسے قرآن مجید تجسس کی ممانعت کرتے ہوئے یہ کہتا ہے کہ ولاتجسسوا(الحجرات12:49)۔ یعنی تم تجسس نہ کرو۔ دوسرا طریقہ یہ ہوتا ہے کہ گناہوں کی عمومی کیٹیگری کو ممنوع قرار دے دیا جائے۔ اس کیٹیگری کے ذیل میں آنے ولی تمام چیزیں خود ہی ممنوع ہوجاتی ہیں اور قرآن کریم میں ان کی ممانعت کا حکم تلاش کرنے کی ضرورت نہیں رہتی۔ مثلاً ایک شخص یہ کہے کہ قرآن پاک میں سور کھانے کی تو ممانعت ہے البتہ سانپ کھانے کی نہیں ہے اس لیے سانپ کھانا جائز ہوگیا۔ یہی معاملہ تمام درندوں اور بول و براز وغیرہ کا ہے۔ آپ کو ان کی ممانعت کا براہ راست حکم قرآن مجید میں نہیں ملے گا۔

ایسی چیزوں کی حرمت میں جیسا کہ بیان ہوا کہ قرآن مجید کا طریقہ یہ ہے کہ عمومی کیٹیگری بیان ہوجاتی ہے۔ چنانچہ قرآن مجید اسی اصول پر خبائث کو حرام قرار دیتا ہے اور فرماتا ہے کہ اللہ تعالیٰ نے کھانے پینے کے لیے صرف طیبات ہی حلال قرار دیے ہیں،(المائدہ 5:5)۔ چنانچہ سانپ، شیر، چیتے اور بول و براز وغیرہ اس وجہ سے حرام ہوجاتے ہیں کہ انسان ان کو فطری طور پر خبیث چیزوں کے طور پر جانتا ہے۔ خیال رہے کہ استثنائی طور پر اگر کوئی واقعہ اس نوعیت کا ہوجائے کہ ایک شخص یا گروہ یہ خبیث چیزیں کھانے لگے تو اس سے ان کی فطری حیثیت میں کوئی تبدیلی نہیں ہوتی۔

حرمت کی ایسی ہی ایک کیٹیگری وہ ہے جس میں قران بغی یا زیادتی کو ممنوع قرار دیتا ہے،(اعراف33:7)۔ اب اس کے بعد ضروری نہیں رہتا کہ قرآن مجید ظلم کی ہر قسم کا نام لے کر یہ بیان کرے کہ فلاں زیادتی ناجائز ہے اور فلاں ظلم حرام ہے۔ بلکہ انسانی فطرت اور معاشرے جس جس چیز پر ظلم کا اطلاق کرتے ہیں وہ خود بخود اسی اصول پر حرام ہوجائے گا۔ کسی انسان کی آزادی کو سلب کرکے اسے غلام بنا لینا اسی نوعیت کی چیز ہے۔ چنانچہ غلامی اسی اصول پر حرام ہے کیونکہ اس میں لوگوں کی آزادی پر حملہ کرکے اور ان کی عزت اور آزادی پامال کرکے انھیں غلام بنایا جاتا ہے، بالجبر ان سے مشقت لی جاتی ہے اور دیگر طریقوں سے انھیں ظلم کا نشانہ بنایا جاتا ہے۔ چنانچہ غلامی ہر حال میں ایک برائی تھی اور اسے گوارا کرنا اسلام کے لیے کسی طور ممکن نہ تھا۔ مگر جیسا کہ بار بار بیان ہوتا ہے کہ یہ برائی اتنی زیادہ پھیل چکی تھی کہ نہ صرف اس کی برائی کا تاثر ختم ہوچکا تھا بلکہ پورا معاشرتی نظام اسی پر منحصر ہوچکا تھا اس لیے دین اسلام نے اس برائی کے خاتمے میں تدریج کا طریقہ اختیار کیا۔ اسلام دین فطرت ہے۔ وہ برائی کو بھی غیر فطری طریقے پر ختم نہیں کرتا۔

چنانچہ جو لوگ آج غلامی اور خاص کر خواتین کو لونڈی بنا کر ان سے استفادہ کے قائل ہیں اور اس کے لیے یہ دلیل دیتے ہیں کہ قرآن میں غلامی کے خاتمے کا کوئی حکم نہیں وہ سرتاسر غلطی پر ہیں۔ قرآن مجید ظلم و زیادتی کی ہر قسم کو حرام کرتا ہے۔ غلامی اس ظلم کی بدترین شکل ہے اور اس کا دوبارہ شروع کرنا ایک بدترین جرم ہے۔ مزید یہ بھی واضح رہے کہ قدیم دور میں غلامی کا جو سب سے بڑا ذریعہ تھا یعنی جنگی قیدیوں کو غلام بنانا، ان کے متعلق قرآن مجید نے تصریح کر دی ہے کہ ان کو فدیہ لے کر چھوڑ دیا جائے گا ورنہ بلامعاوضہ آزاد کر دیا جائے گا،(محمد4:41)۔ غلام کسی صورت میں نہیں بنایا جائے گا۔ اس کی سب سے بڑی مثال جنگ بدر کے غریب قیدی ہیں جن کو رسول اللہ صلی اللہ علیہ وسلم نے مسلمان بچوں کو لکھنا پڑھنا سکھانے کے عوض آزاد کر دیا تھا۔

ایک آخری سوال: غلامی ختم کیوں نہ ہوسکی

اس ضمن کا ایک آخری اور اہم ترین سوال یہ ہے کہ ان تمام اقدامات کے بعد بھی مسلم معاشرے میں غلامی ختم کیوں نہ ہوسکی۔ کیوں ایسا ہوا کہ بیسویں صدی تک عرب کے معاشرے میں لونڈی غلام بازاروں میں بکتے رہے؟

ہمارے نزدیک اس معاملے میں اصل سانحہ یہ ہوا کہ خلافت راشدہ میں جب عرب مسلمانوں نے عالم عجم کو فتح کیا، ان فتوحات کے نتیجے میں لاکھوں مربع میل پر پھیلی قیصر و کسریٰ کی عظیم سلطنتوں میں پائے جانے والے لاکھوں بلکہ کروڑں غلام اسلامی معاشرے میں ایک دم داخل ہوگئے۔ یہ واضح ہے کہ عرب معاشرے میں موجود ہزاروں غلاموں کو بیک جنبش قلم ختم نہیں کیا گیا تو یہ کام عجم کے لاکھوں غلاموں کے معاملے میں بھی ممکن نہ تھا۔ صحابہ کرام نے اپنی حد تک یہ کام جاری رکھا مگر اول ان کی اصل توجہ جہاد کی طرف رہی اور پھر خلافت راشدہ کے نصف آخر میں مسلمانوں کا باہمی خلفشار شروع ہوگیا۔ دوسری طرف وقت گزرنے کے ساتھ قرآن مجید کا فہم رکھنے والے اور اسلامی روح کو سمجھنے والے صحابہ کرام کی تعداد تیزی سے کم ہوتی گئی۔

یہاں تک کہ خلافت راشدہ کے بعد بنو امیہ کے دور میں جب باہمی جنگوں کا یہ سلسلہ تھما تو مسلم معاشرہ ملوکیت کی اجتماعی غلامی کا شکار ہوچکا تھا۔ جو معاشرہ اجتماعی غلامی کا شکار ہو وہ انفرادی غلامی کے لیے کیا کرسکتا تھا۔ چنانچہ سب نے غلامی کو ایک ناقابل تبدیل حقیقت کے طور پر قبول کرلیا اور رفتہ رفتہ غلامی کی لعنت کو مذہبی جواز بھی ملتا چلا گیا۔

اس مضمون کے جواب پر کمنٹ سیکشن پر موجود گفتگو ملاحظہ کیجئے:

احسن تقویم یہ صاحب مغربی تنویری افکار سے بہت متاثر لگتے ہیں ، اسی لیے وہ کام جو حضور اقدس صلی اللہ علیہ وسلم نا کر سکے حالانکہ وہی غلامی جو اِن موصوف کے خیال میں مکروہ اور ظلم تھا ، اس کے باوجود کہ وہ حضور اقدس صلی اللہ علیہ وسلم جو شرابی معاشرے کو ایک حکم کے ذریعے سے شرابیں مدینہ کی گلیوں میں بہانے پر مجبور تو کر سکے ، بے پردہ معاشرے پر ایسے پردہ تو لے آے کہ صحابیات مساجد ہی میں بیٹھیں اور اپنے گھروں سے حجاب منگوا کر کر حجاب فوراً پہن کر باہر نکلیں ، حضور نے لات اور عزیٰ کے بت تو توڑ سکے اور مشرکوں کے خداؤں کو تو ان کے سامنے برا بھلا کہہ سکے لیکن اِن موصوف کے مطابق غلامی جیسے ظلم کو ان کی بجائے مغربی آزادی اور برابری کے عظیم رہنما ختم کر گئے ۔ یعنی جب اللہ کہہ رہا تھا کہ آج کے دن ہم نے تم پر اپنا دین مکمل کر دیا تو اس دوران حضور اور ان کے صحابہ کہ پاس غلام موجود تھے مگر اِن موصوف کے مطابق تو شاید اس آیت سے غلامی کو استثناء حاصل تھی ، یہ اسلام کے مزاج ان ہی حضرت کو سمجھ اے ، ابو بکر ، عمر عثمان علی رضی اللہ عنہم کو سمجھ نا آے نا ابو حنیفہ کو سمجھ آے مگر اکیسویی صدی میں پیدا ہونے والے کچھ لوگوں کو یہ مزاج سمجھ میں آ گیا۔ سقیفہ بنی ساعدہ یعنی آپ صلی اللہ علیہ وسلم کے وصال سے کچھ دن پہلے حضرت علی ایک کنیز رکھتے ہیں اگر آخری وقت پر غلامی کا حکم نسخ ہو گیا تھا تو حضور نے ان کو منع کیوں نا کیا، جب حضور نے اپنی ایک حدیث میں فرمایا کہ کبھی آپ صلی اللہ علیہ وسلم کے ذہن میں کسی فضول چیز کا خیال بھی نا آیا تو کیسے ممکن تھا کہ حضور کی ذندگی میں غلام جیسے حضرت سفینہ بھی تھے اور کنیزیں بھی، اور اگر یہ اتنا ہی بڑا ظلم تھا تو کیا وہ رسول صلی اللہ علیہ وسلم جو غسل اور استنجاء کے مسائل بھی بتاتے تھے وہ کسی کو بتا ہی نا دیتے کہ "اصل میں غلامی بڑا ظلم ہے، اسے راںٔج نا ہونے دینا" لیکن یہ بات ان موصوف کو اکیسویں صدی میں مغربی افکار کے بعد سمجھ میں آی۔ اصل میں جو حرکت یہ حضرت کر رہے ہیں اسے straw Manning کہتے ہیں یعنی گھر کی خادماؤں کے ساتھ زنا جو ہر گز حرام ہے پر تنقید کرنے کہ بہانے سے اسلام میں غلامی کے کانسیپٹ کو واٹر ڈاؤن کر رہے ہیں۔ اسلام میں غلامی ہے کیونکہ اسلام میں جنگ ہے اگر جنگ ہو گی تو قیدی ہاتھ آںٔیں گے اب اگر ان قیدیوں کو چھوڑ دیا جائے تو وہ پھر سے حملہ کریں گے اور اگر قید میں رکھا تو آپ کا نقصان ہے اس کے بجائے وہ آپ کے غلام ہونگے اور آپ کے لیے کام کریں گے۔ سیرت النبی ، خلفائے راشدین اور 1300 سال کی تاریخ میں جنگیں ہوئیں اس لیے غلام بھی آے اور اِن موصوف کے مطابق یہ ظلم بھی چلتا رہا بالآخر اندسٹریل ریولوشن کے بعد سٹیم انجن بنا اور بم بنے جن سے اکٹھے لوگوں کو مارا جا سکتا تھا ساتھ ہی انسانی آزادی کی مغربی افکار آںٔیں، غلامی سب سے بڑا ظلم بن گیا اور اِن موصوف کے مطابق اس "خدا بیزار مغربی فکر" اور "انسانی ترقی" جو man is sovereign کے نعرے کی بنیاد پر بڑھی اس نے اِن موصوف کے بقول اسلام کا وہ مقصد پورا کر دیا جو نعوذباللہ رسول اور صحابہ نا کر سکے۔ احادیث میں غلاموں کی آزادی کو بطور حسنہ/ کفارہ کے رکھا ، اسی طرح اسلام نے مال کے خرچ کرنے کو بھی رکھا کیا اس کا یہ مطلب ہوا کہ اسلام private ownership کے خلاف ہے ، ہر گز نہیں بلکہ اسلام بتاتا ہے کہ مال کیا ہے ، مال کمانے کا کیا طریقہ ہے اور خرچ کرنے کا کیا طریقہ ہے ، اسی طرح احادیث کی کتب میں غلاموں کا ذکر آتا ہے ان کے ساتھ سلوک کا ذکر آتا ہے ، اس بات کا ذکر آتا ہے کہ اگر وہ رقم کے عوض آزاد ہونا چاہے تو کیا طریقہ کار رکھا جاے وغیرہ۔ در حقیقت اسلام میں فرض/واجبات ، مندوبات/ مستحب، مباح/ حلال، مکروہات اور حرام چیزیں ہوتی ہیں ایسا کچھ نہیں ہوتا کہ حرام بھی مکروہ بھی ، نبی نے کیا بھی مگر بہت بری چیز بھی اور حقیقت یہ ہے کہ غلام رکھنا مباح ہے ، تھا اور رہے گا مگر کیونکہ تکنیکی جدت کے باعث اب جنگوں کی وہ نوعیت نہیں رہی اس لیے اب غلام بھی نہیں ہوتے ، شریعت نہیں بدلی موریلٹی نہیں بدلی سب ویسا ہی ہے، جب خلافت نہیں جہاد نہیں تو غلام کہاں سے آئے ، غلام تو جہاد کے نتیجے میں آتے ہیں۔۔۔ اصل میں دین کو مغربی فکر میں ریفورم کرنے والے - سب سے پہلے تو نان لبرل حکم ہی کا انکار کر دیتے ہیں کہ یہ تو کسی آیت یا حدیث میں نہیں ہے - اگر کسی حریث میں آ جائے تو اس کی صحت پر سوال اٹھا کر اسے رد کرنے کی کوشش کرتے ہیں - لیکن اگر آیت بالکل واضح ہو اور دلائل بھی بے شمار ہوں تو ان کا رویہ یہ ہوتا ہے ، کہ وہ حکم تو صرف اس دور کے لیے تھا کیونکہ لوگ آزادی ، برابری ، انسانی حقوق جیسی آفاقی قدروں سے واقف نہیں تھے ، یہ حکم آج کے لیے تو نہیں ہے۔ اس کیس میں موصوف یہی تیسرے حربے کا مظاہرہ کر رہے ہیں کیونکہ ، سیرت ، خلفائے راشدین ، اجماع اور "او ما ملكت ايمانهم" جیسی آیت کا انکار مشکل ہے تو اس حکم کو آپ صلی اللہ علیہ وسلم کے دور تک ہی محدود کر رہے ہیں کیونکہ ویسے بھی شاید ان کے خیال میں اسلام بھی تو بس لبرلزم کا ایک فرقہ ہی تو ہے اور کیا۔۔۔۔

Noreen Is Own الحمداللہ قرآن پاک کو ترجمہ تفسیر سے مکمل پڑھا ہے اور روزانہ گھر میں تلاوت بھی کرتی ہو ں ترجمہ سے اور میری سمجھ بھی یہی کہتی ہے کہ اگر لونڈیوں کے بارے میں کوئی حکم ہمارے پیارے نبی صلی اللّٰہ علیہ وسلم نے منسوخ بھی کیا ہوتا تو قرآن مجید میں ارشاد ہوتا مگر ایسا تو کچھ بھی نہیں آپ کے آ خری خطاب میں بھی لونڈی غلام نماز کا حکم ہے اور آپ کر بعد تاریخ کے ادوار میں بھی لونڈیوں کو گھروں میں کام کے لے رکھا جاتا تھا ھے یھاں دور امیہ دور عباسی اور ان کے بھی بہت بعد تاریخ برصغیر میں بھی جہاں پہ گھریلو خواتین لونڈیوں سےباہر کے سب کام کروایا کرتی تھیں مگر آج کی لونڈیاں پرو فیشنل ہو چکی ہے تو پچاس سو س ال پہلے میں اور اب میں فرق ہے یہ میرا خیال ہے میں آپ کی بات سے اتفاق کرتی ہوں ،باقی سب کو اپنی رائے دینے کی آزادی ہے والسلام ،

احسن تقویم بہرحال اگر یہ سمجھ رہے ہیں کہ اس سے یہ اسلام کی خدمت کر رہے ہیں اور اسلام کو اس دور کے حساب سے ریلونٹ رکھ رہے ہیں تو یہ ان کی خام خیالی ہے ، اسی طرح عیسایوں نے اپنے دین میں لبرلزم کے حساب سے تبدیلیاں لائیں اور آج ان کے چرچس میں گے پریسٹس ہیں ، حضرت عیسیٰ علیہ السلام کو مزاق بنا دیا گیا ہے ، اور ان کے بچے ان کے دین کو چھوڑ کر پوری طرح سے ملحد ہو رہے ہیں ، اگر آپ نے بھی یہی کرنا ہے تو یہ خدا مخالف نظریات رکیں گے نہیں ، اگلا حدف ، بلاسفیمی ہو گا پھر حجاب، اور پھر شاید توحید۔۔۔۔ واللہ اعلم

---

میں یہ سمجھتا ہوں کہ اگر اللہ نے ایک بات کی اجازت دے رکھی ہے اور حضور نبی کریم صلی اللہ علیہ وسلم نے اس کام سے منع نہیں فرمایا اور نہ اس کو منسوخ کیا ہے تو دنیا کے کسی انسان کو یہ حق حاصل نہیں کہ اللہ اور اس کے رسول کے خلاف آکر کسی کام کو حرام قرار دے سکے لہذا اگر لونڈیوں کو رکھنے کی اجازت ہے تو اسلام کے مطابق یہ جائز ہوگا اور اگر لونڈیوں کو رکھنے کی اجازت نہیں ہے تو یہ ناجائز ہوگا۔

دونوں کی تحریریں اور موقف سامنے ہیں۔ عقلمند انسان اس کی روشنی میں فیصلہ خود کرسکتا ہے یا پھر اس موضوع پر مزید ریسرچ کرے مگر یہ بات یاد رکھے کہ اللہ کے مقابلہ پر کوئی اور خدا بننے کی کوشش نہ کرے۔

محکمہ موسمیات کے دعوے اور حقیقت: اللہ کی تدبیر کے سامنے سائنس کی بے بسی

ستمبر 2025 کے درمیانی دنوں میں محکمہ موسمیات اور میڈیا نے بارش اور موسم کے متعلق کئی دعوے کیے، لیکن اللہ نے ان کے دعووں کو جھوٹا ثابت کردیا۔ یہ واقعات اس بات کی واضح دلیل ہیں کہ انسان کتنا ہی ترقی کرلے، کائنات کا سارا نظام صرف اور صرف اللہ کے قبضے میں ہے۔

🌧️ 15 ستمبر 2025

سما نیوز پر دعوی کیا گیا کہ "مون سون کا 11 واں اسپیل، کل سے بارشوں کی پیشگوئی"
ریفرنس: ویڈیو دیکھیں

☀️ 16 ستمبر 2025

اگلے ہی دن دعویٰ بدل گیا اور کہا گیا کہ "پنجاب میں نیا مون سون اسپیل آج سے شروع ہونے کی پیشگوئی"
ریفرنس: ویڈیو دیکھیں

🔥 17 ستمبر 2025

اے آر وائی نیوز پر دعوی کیا گیا کہ "آئندہ چند روز تک گرمی کی شدت میں اضافہ ہوگا، محکمہ موسمیات"
ریفرنس: ویڈیو دیکھیں

🌡️ 18 ستمبر 2025

میڈیا والے مان گئے کہ لاہور کا موسم آج گزشتہ دنوں کے مقابلہ میں خاصا گرم ہے
انہوں نے قبول کرلیا کہ یہ مون سون نہیں ہے
یہ بھِی مان لیا ہے کہ مون سون کا سلسلہ تھم چکا ہے
یہ دعوی بھی کررہے ہیں کہ بارش کا امکان ہے جبکہ گزشتہ دن اگلے تین دن گرمی بڑھنے کا دعوی کررہے تھے
گیارواں مون سون اسپیل کدھر گیا؟ کہاں غائب ہوگیا؟
ایسے کیسے چلتا برستامون سون اسپیل پاکستان سے غائب ہوسکتا ہے؟
کیا ایک انسان اتنا سب کچھ کرسکتا ہے؟
کیا خدا کے بغیر بھی یہ سب کچھ کرنا ممکن ہے؟
کیا کہتے ہیں سائنس کے ماہرین اور جدید علوم کے ماہرین؟
ریفرنس: ویڈیو دیکھیں

⚡ سائنس کے دعووں کی حقیقت

حیرت کی بات یہ ہے کہ ابھی پہلے دن ہی دعووں سے پلٹ گئے اور پھر بارش کی نئی پیشگوئی کر دی۔ یہ ان کے سائنسی علوم کی حیثیت ہے کہ اپنی پہلی بات پر بھی قائم نہیں رہ سکے۔
ریفرنس: ویڈیو دیکھیں

🎭 چوں چوں کا مربہ

ایک طرف میڈیا والے مون سون کے خاتمے کا اعلان کر رہے تھے، دوسری طرف کوئی اور گیارواں اسپیل کا نیا دعویٰ کر رہا تھا۔ آخر کار یہ ثابت ہوگیا کہ حقیقت پر پردہ ڈالنے سے کچھ حاصل نہیں۔ اللہ کی تدبیر سب پر غالب ہے۔
ریفرنس: ویڈیو دیکھیں

🌧️ بارش یا معجزہ؟

آخر کار یہ واضح ہوگیا کہ یہ بارش نہیں تھی بلکہ اللہ کا معجزہ تھا۔ میڈیا اور محکمہ موسمیات کو چاہیے کہ دعوے کرنے کے بجائے حقیقت عوام کے سامنے رکھیں۔
ریفرنس: معجزہ دیکھیں

---

نتیجہ: یہ تمام واقعات اس بات کی واضح دلیل ہیں کہ انسان اپنی سائنس اور ٹیکنالوجی پر کتنا ہی ناز کرے، اصل فیصلہ اللہ کے ہاتھ میں ہے۔ انسان دعوے کرتا ہے مگر تدبیر اللہ کرتا ہے۔
اللہ اکبر – لیجنڈ

کراچی سمندر ہے لڑکی نے سرعام سب کر دیا اتنی بے حیائی

 کراچی سی ویو ہے یا نہیں مگر سی ویو ہے اور ایک لڑکا لڑکی کے ساتھ مٹر گشتی میں مصروف ہے۔

مانا کہ کوئی ساتھ ہیں مگرکیا یہ میاں بیوی ہیں؟

اگر شوہر ساتھ ہے تو لعنت ہے ایسے شوہر ہونے پر کہ بیوی ننگی نظر آرہی ہے اور وہ نہانے میں مصروف ہے جان لینے کے باوجود بھی اور لعنت ہے اس ویڈیو کو بنانے والے پر کہ وہ کسی عورت کی نہم برنہ حالت کی ویڈیو بنارہا ہے۔

عورتوں سے یہی کہوں گا، کہ تم ننگی ہوکر کیا دکھانا چاہتی ہو؟

تمہارے اندر شرم و حیا نام کی چیز باقی ہی نہیں رہی۔

یہ کرنے جاتی ہو تم ساحل سمندر پر؟

کس قدر بے غیرت ہے وہ درزی جس نے اتنے ہلکے لباس کا کپڑا سیا تھا اور پھر بیچا تھا۔

ایسے لعنتی لوگ سی ویو پر ہر روز آتے جاتے رہتے ہیں اور یہ بے حیا لوگ جہنم کا ایندھن ہیں سوائے ان کے جو توبہ کریں، ایمان لائیں اور نیک عمل کریں۔