اس وقت رات کے 3:44 ہورہے ہیں۔
میرے جہاں مہمان ٹھہرا ہوا ہوں اس علاقے میں رات کے اس سناٹے کے وقت ایک شخص اپنے گھر میں تیز آواز میں گانے سن رہا ہے۔
اس وجہ سے علاقے کے نہ سہی، اس کے گھر کے قریب کے لوگوں کی نیند خراب ہورہی ہوگی مگر اسے کوئی پرواہ نہیں۔
میں حالانکہ کافی دور ہوں مگر مجھے اس کے گانوں کی آواز آرہی ہے۔
مجھے شدید غصہ آرہا ہے۔
اس لیے کہ رات کی تاریکی اور سکون میں، مجھے کام کرنا ہوتا ہے۔
میں یہ سوچ رہا تھا کہ ایسے انسانوں کی کوئی مدد نہ کی جائے۔
اور اسی سے مجھے یہ احساس جاگا کہ اس علاقے میں تمام لوگ تو ایسا نہیں کررہے؟
پھر ایک غلیظ شیطان کی سزا سب کو کیوں دی جائے؟
یعنی اگر میں لوگوں کی مدد کروں تو میں سب کی مدد کرسکتا ہوں سوائے ان خبیثوں کے جن کے بارے میں علاقے والے خود گواہی دیں یا میں نے دیکھا ہو کہ وہ مرد یا عورت، دوسروں کو پریشان کرتا ہے یا ان کا جینا حرام کرتا ہے۔
اس کی مثال کچھ اس طرح ہے کہ اگر میں روحانی علاج کرتا ہوں اور میرے پاس غریب لوگ آئیں تو میں بنیادی طور پر سب کا علاج کرسکتا ہوں، چاہے فیس لوں یا نہ لوں، وہ ایک الگ معاملہ ہے، مگر اگر میں فی سبیل اللہ علاج بھی کرنا چاہوں تو سب میرے پاس آسکتے ہیں، کھلا دروازہ اور کھلے دل سے کام کرسکتا ہوں مگر۔۔۔
جس کے بارے میں مجھے معلوم ہوگا کہ یہ وہ شخص ہے یا عورت، چاہے میرا اپنا قریبی رشتہ دار یا بھائی بہن ہی کیوں نہ ہو، جو دوسروں کو تکلیف پہنچا رہا ہے یا جس کے بارے میں لوگ مجھے آگاہ کریں اور میں تصدیق کرلوں کہ یہ واقعی ایک خبیث انسان ہے تو ایسے لوگوں کو میں اپنی خدمات دینے پر پابندی عائد کرسکتا ہوں۔
یہ ہوتا ہے طریقہ کافروں منافقوں کو لگام دینے کے لیے جو معاشرے میں فساد پیدا کررہے ہوں۔
جب تک ان جیسوں کو کھانا پینا، عیاشی، سہولتیں دی جائیں گی یہ مزید بگاڑ پیدا کریں گے لہذا ان کی سزا بنتی ہے۔
مگر ان کی وجہ سے میں لوگوں سے نفرت کروں؟
یہ بات سمجھ نہیں آتی۔'
اسی سے مجھے یہ اندازہ ہوا کہ میرے اندر انسانوں کے گھٹیا سلوک کی وجہ سے جو نفرت پیدا ہوگئی تھی وہ سب کی وجہ سے نہیں بلکہ بعض انسانوں کی وجہ سے ہے ورنہ تو مجھے بہت سے اچھے لوگ بھی ملتے ہیں لہذا ان چند خبیثوں کی وجہ سے پورے معاشرے سے نفرت نہیں کی جاسکتی۔
عام لوگ تو اپنے روز مرہ کے کاموں میں مصروف ہوتے ہیں، وہ تو خود پریشان ہیں، یہ تو چند گھٹیا شیطانی لوگ ہیں جنہوں نے معاشرے میں فساد مچا رکھا ہے۔
میں سوچتا ہوں کہ اگر میں پولیس میں ہوتا تو کیا کرتا؟
یقینا ایسے سب لوگوں کو گرفتار کرکے جیل میں بند کردیتا۔
پھر معاشرے کے لوگ سدھرنا شروع ہوتے کیونکہ جو ڈرتا ہے وہی اپنی لمٹ میں رہتا ہے۔
اللہ نے بھی ڈر سنانے کے لیے نبیوں کو بھیجا اور بے شک وہ خوشخبری بھی سناتے تھے ایمان والوں کو۔
لہذا معاشرے میں اچھے اور برے انسانوں کے ساتھ الگ الگ رویہ رکھنا جائز ہے۔
مگر ایک کی وجہ سے سب کو الزام دینا درست نہیں اور ناانصافی ہے۔