پاکستان میں غربت کی سب سے بڑی وجہ آپ کی نظر میں کیا ہے؟

غربت کی اصل وجہ اور جڑ دنیا میں بہت سے خداوں کا وجود ہے۔ صدیوں پرانے انسانوں نے اپنے جیسے انسانوں کو خدا کا درجہ دے کر ان کی پوجا کرنا شروع کردی تھی اور ان کے علاوہ دیگر مخلوقات کو خدا بنادیا ۔

ان کے بعد آنے والی نسلوں نے بغیر تحقیقات کئےاپنے باپ دادوں کی باتوں اور کہانیوں پر اندھا ایمان لاکر ان کے سکھائے ہوئے ناموں کو خدا سمجھ کر یقین کرنا شروع کردیا اور پھر یہی اولادیں جوان ہوئیں تو کوئی ڈاکٹر بن گیا، کوئی فوج میں چلا گیا، کوئی مذہبی پیشوا بن گیا تو کوئی کچھ اور بن گیا وغیرہ وغیرہ

اکیسویں صدی میں اگر ایک عقل مند اور غیرجانبدار انسان دنیا بھر کا جائزہ لے تو اس کو اندازہ ہوجائے گا کہ دنیا بھر میں جنگوں اور ہتھیاروں پر ٹریلین ڈالرز خرچ ہوتے ہیں اور انسان ایک دوسرے کو اپنے اپنے خداوں کے ناموں پر جان سے ماررہے ہیں۔

اس سے ایک عقل مند انسان سمجھ لے گا کہ چونکہ خداوں کے وجود کا فیصلہ نہیں کیا جارہا اور آپس میں جنگیں ختم کرنے پر کام نہیں ہورہا بلکہ مسلسل ایک دوسرے کے ممالک کے خلاف ہتھیاروں پر ٹریلین ڈالرز خرچ کررہے ہیں لہذا اپنے اپنے ممالک کے غریبوں کی فلاح پر خرچ کرنے کے لیے بہت ذیادہ انویسٹ نہیں کرپاتے وہاں کے حکمران ۔

اس کے نیتجہ میں اس ملک میں رہنے والے بہت سے غریب و مجبور لوگ مہنگائی، جرائم و دیگر برائیوں میں ملوث نظر آتے ہیں کیونکہ ان کی بنیادی ضروریات بھی پوری نہیں ہوتیں جبکہ دوسری جانب خداوں کے ناموں پر قتل و غارت جاری ہے ۔

بجائے یہ کہ تمام بڑے بڑے مذاہب کے بڑے بڑے مذہبی پیشوا ملکر اکٹھے ہوتے کسی ٹی وی چینل پر اور ایک مرتبہ خداوں کے وجود اور کس مذہب کا خدا واقعی سچا ہے کا فیصلہ کرلیتے تاکہ دنیا کی عوام کو معلوم ہوجاتا کہ سچا خدا اور سچا دین کونسا ہے یہ بڑے بڑے مذاہب کے پیشوا اپنی اپنی عوام کو جھوٹی کہانیاں سنا سنا کر اپنے خیالی خداوں کی پوجا پر لگاکر رکھے ہوئے ہے اور اپنی شہرت کے ڈنکے بجوارہے ہیں۔

غربت ختم کرنے کا طریقہ یہی ہے کہ جس دین کا خدا پریکٹیکل ثبوتوں کے ذریعہ سچا ثابت ہوجائے دنیا بھر کے انسان اسی خدا کو تسلیم کرلیں اور کھربوں ڈالرز خداوں کے نام پر جنگوں میں خرچ کرنے کے بجائے اپنے اپنے ممالک میں رہنے والے غریب انسانوں کی فلاح پر خرچ کریں۔

اسی طرح پاکستان سمیت دنیا بھر سے غربت و جہالت ختم کی جاسکتی ہے بصورت دیگر جتنا مرضی کوششیں کرلی جائیں جب تک سچے خدا کا فیصلہ نہیں کیا جائے گا اور اس کے سچے دین کو تمام ادیان و مذاہب پر غالب نہیں کیا جائے گا، دنیا بھر کے غریبوں سمیت اکثر انسان ذہنی غلامی ، مایوسی اور فرسٹیشن کا شکار رہیں گے کیونکہ جنگوں کے سبب پاکستان سمیت دیگر ممالک کے پاس موقع نہیں ہوگا کہ اپنے اپنے ممالک کی عوام پر سہولت سے دولت خرچ کرسکیں۔

Legend Aagya

اپنی ذہنی موت 2018 کے بعد اپنی ذات اور مائنڈسیٹ پر کام کرتے ہوئے اور خوف کی آہنی دیواریں ایک ایک کرکے پاش پاش کرتے ہوئے اپنا سفر تنہائی میں ہمت اور حوصلہ کے ساتھ اللہ پر بھروسا رکھ کر جاری رکھتے ہوئے اپنی پہچان 2020 حاصل کرنے تک پھر اس کے مطابق دنیا والوں کے سامنے خود کو پیش 2021 کرنے تک اللہ کی مدد اور فضل سے پہلے سے ذیادہ طاقت ور اور ناقابل شکست مسلم بن کر

اجڑے ہوئے درخت کا یہ مطلب نہیں ہوتا کہ وہ تباہ ہوگیا بلکہ اس کا خالق اسے نئے سرے سے تعمیر کرنے کے لیے وقتی طور پر اس حالت میں بدل دیتا ہے اور وہ درخت چپ چاپ خاموشی اور صبر سے اپنی حالت بدلتے دیکھتا رہتا ہے جب تک کہ وہ دوبارہ ہرا بھرا نہ ہوجائے اور پھر اس کی حقیقت دنیا والوں کے سامنے نظر آنا شروع ہوجائے جب اس کا مالک اسے دوبارہ تیار کردے

تمہاری زندگی تباہ نہیں ہوئی ہے بلکہ ایک نئے سرے سے تعمیر کے لیے پلاننگ کے تحت ایسا ہوا ہے جو آج نہیں سمجھ سکو گے لیکن اگر ہمت نہ ہاری اور کوشش جاری رکھی خود کو بدلنے اور آگے بڑھنے کے لیے تو مسقبل میں ان شاء اللہ سمجھ جاو گے کہ اللہ کی تدبیر کتنی بہتر اور پلاننگ کتنی اچھی ہوتی ہے خصوصی طور پر ان کے لیے جو اس دنیا میں بڑے کام کرنا چاہتے ہیں عام لوگوں کی زندگی سے ہٹ کر اللہ کے لیے اللہ کو کچھ کر دکھانا چاہتے ہیں

شیر کی زندگی جینی ہے تو اپنے ذخموں کے بھرنے کا انتظار رکھو اور تب تک بھیڑ بکریوں کے ریوڑ کو خوش اور اچھلتا کودتا دیکھ کر مایوس مت ہونا اور نہ یہ خواہش رکھنا کہ تم ان میں جاکر کھیلو کیونکہ شیر اکیلا بھی شیر ہی ہوتا ہے اپنے جنگل میں خواہ تنہا ہی کیوں نہ رہتا ہو کہ یہی اس کی پہچان ہے اور ذخمی شیر پہلے سے ذیادہ خطرناک بن جاتا ہے

شاہین کی زندگی جینی ہے تو انتظار کرو اپنے نئے سرے سے تعمیر ہونے والے پروں اور پنجوں کا اور تب تک کووں کی فوج کو خوشی سے اڑتا دیکھ کر مایوس مت ہونا اور نہ یہ خواہش رکھنا کہ تم ان میں جاکر اڑو کیونکہ شاہین بھی اپنی تنہائی میں اپنی پہچان نہیں بھولتا بلکہ صرف انتظار کرتا ہے اپنے صحیح وقت پر دوبارہ پہلے سے ذیادہ طاقت ور بن کر اڑان بھرنے کے لیے

اور اگر کبھی ہمت ٹوٹنے لگے، مایوسی بھرنے لگے، خود کشی سر پر سوار ہونے لگے اور ایسا لگے کہ اس سفر میں اکیلے ہو اور پوری دنیا تمہیں جھوٹا سمجھتی ہے، اعتبار نہیں کرتی، بات نہیں سنتی، ذات نہیں سمجھتی اور تمہیں تمہاری بظاہر بربادی اور تنہائی میں اکیلا چھوڑ کر ہنستی ہے تو تب ایک لیجنڈ کی یہ تحریر اپنے سامنے رکھنا جو ان راستوں سے گزرچکا اور تمہیں امید کی کرن دکھارہا ہے اور حوصلہ بڑھا رہا ہے اللہ کے فضل سے کہ

اللہ کی رحمت سے مایوس نہیں ہوتے

بے شک اللہ کوشش کرنا دیکھتا ہے

اٹھ باندھ کمر کیا ڈرتا ہے؟

پھر دیکھ اللہ کیا کرتا ہے!

لیجنڈ

چھوٹی چھوٹی باتوں پر غصہ آنا،،، ایک نفسیاتی بیماری ہے؟

یہ ہرگز کوئی بیماری نہیں ہے اور نہ ہی کوئی ڈس آرڈر ہے۔ ایک انسان کو جب چاروں طرف سے زہریلے طنز و تنقید کے تیر چلا چلاکر ذخمی کیا جائے گا تو وہ ضرور بولے گا۔

اس ٹائپ کے لوگ ذہین ترین اور غور و فکر کرنے والے ہوتے ہیں جنہیں سوسائٹی کے بہت سے بودے لوگ سمجھنے سے محروم ہوتے ہیں کیونکہ وہ اپنی عقل استعمال کرنے کے بجائے روایتی زندگی گزارنے کے شوقین ہوتے ہیں کہ کھالیا، پی لیا، سو لیا اور مزے کرکے مرگئے۔

معاشرے کے بودے لوگ ذہین لوگوں کو سکون سے بھی نہیں رہنے دیتے اور ان کی باتوں کو سن کر انہیں الٹا نفسیاتی قرار دیتے رہتے ہیں۔

اصل نفسیاتی تو سوسائٹی میں وہ سب ہیں جو خاموش طبعت لوگوں کو دبا کر، ملیامیٹ کرنے کی بھرپور کوشش کرتے ہیں اور پھر شرم بھی نہیں آتی کہ انہیں ذہنی مریض قرار دے کر پاگل کہتے ہیں۔

بند کرو یہ تماشہ ذہین لوگوں کے خلاف۔

محمدﷺ کا وجود

 12 ربیع الاول  کے دن یہ ویڈیو لیکچر دنیا کے تمام انسانوں کے سردار اور محبوب رب العالمین جناب محمد رسول اعظم ﷺ کی عظمت، بڑائی، شان، سچائی ، وجود اور کردار کے حوالے سے ایک بہترین ویڈیو لیکچر ہے جس میں ان کے دنیا میں آنے اور وجود پر شک و شبہات پیدا کرنے والے دشمن اسلام کو منہ توڑ جواب دیا گیا ہے۔

اس ویڈیو میں حضرت محمد ﷺکے وجود پر ناقابل شکست ثبوت بیان کیے گئے ہیں جنہیں کبھی شکست نہیں دی جا سکتی۔

حضور نبی کریم صلی اللہ علیہ وسلم کی شان رسالت پر اللہ کے فضل سے ایسی دلیل جسے ابلیس بھی شکست نہیں دے سکتا اور دنیا کا بڑے سے بڑا جادوگر یا جھوٹی نبوت کا دعویدار اور اس کے تمام پیروکار ملکر بھی اس پریکٹیکل ثبوت کو شکست نہیں دے سکتے۔

حضور نبی کریم ﷺؤ کی پیدائش اور انتقال ہوجانے کے حوالے سے بھی اس ویڈیو میں بات کی گئی ہے۔ یہ ویڈیو میلاد النبی 2019 کے دن اللہ کے فضل و کرم سے  بنائی گئی ہے۔

خدا کی تلاش

 

اس ویڈیو میں غیر جانبدار، فطری، ناقابل تردید اور قابل مشاہدہ ثبوتوں کے حوالے سے نظام کائنات، اس کے حقیقی خالق اور اس کے حقیقی مذہب سے پردہ فاش کیا جارہا ہے۔ یہ ویڈیو لیکچر بچے کی پیدائش سے لے کر انسانوں کی موت اور موت کے بعد کے نتائج تک کی مکمل رہنمائی  کے لیے ہے۔ یہ خدا کے وجود پر بہترین ویڈیو لیکچر ہے۔

ہماری جدید نسل اور نوجوان خالق کائنات سے دور ہوتے جا رہے ہیں اور وہ مذہب کے بغیر مادیت پسند زندگی سے لطف اندوز ہونا چاہتے ہیں۔ جبکہ دوسری طرف عقلمند ہونے کے دعویدار اور سچائی کے متلاشی نوجوان زندگی میں سچے خدا کے وجود پر ثبوت تلاش کرنے میں الجھے ہوئے ہیں کیونکہ اس وقت دنیا میں بہت سے ادیان و مذاہب موجود ہیں اور ایک عام آدمی کے لیے مذہبی کتابوں کی خاک چھان کر سچے خدا کو تلاش کرنا بہت زیادہ مشکل ہے کیونکہ کتابوں میں حد سے بڑھ کر جھوٹے خداوں کے نام پر جھوٹی سچی کہانیاں مکس کرکے لوگوں کو صدیوں سے بےوقوف بنایا گیا ہے۔

ملحدین یہ دعویٰ کر تے ہیں کہ کوئی خدا موجود نہیں جبکہ مذہبی پیروکار اپنے اپنے خداؤں کے ناموں پر ایک دوسرے سے صدیوں سے جنگیں لڑ رہے ہیں۔بہت سے روحانی پیشواوں کا حال یہ ہے کہ دعوی کرتے ہیں کہ یہی نیچر دراصل خدا ہے اور کائنات میں خدا نام کی کوئی ہستی موجود نہیں ہے۔

دوسری جانب بہت سے مسلمان اللہ کے وجود، حضرت محمد ﷺ کی رسالت، دین اسلام کی سچائی اور قرآن کی حقیقت کے حوالے سے گمراہ ہوچکے ہیں۔

اب یہ میرے اسٹوڈنٹس کی ذمہ داری ہے  کہ وہ دنیا کے غیرمسلموں کو کائنات کے بادشاہ کے حوالے سے متعارف کرواکر دین اسلام میں داخل کرنے کے لیے اپنی کوشش کریں تاکہ وہ تمام غیرمسلم جو حق کی تلاش میں ہیں وہ کلمہ پڑھ کر اسلام میں داخل ہوجائیں۔

اس ویڈیو میں خدا اور سائنس کے حوالے سے بھی جانکاردی دی گئی ہے۔ 

الحمدللہ رب العالمین

اللہ اکبر، اللہ واحد القہار

اکثر مسلم غیرمسلموں سے خوف ذدہ ہیں

چونکہ اکثر مسلم مذہبی پیشوا اور ان کے پیروکار اپنی بداعمالیوں کو خوب جانتے ہیں اس لیے وہ  اس یقین کامل سے محروم ہیں کہ اللہ آج بھی مردہ زندہ کرسکتا ہے، چاند دو ٹکڑے کرسکتا ہے، سمندر پھاڑ سکتا ہے، پہاڑ بلند کرسکتا ہے، آگ بے اثر کرسکتا ہے، سورج روک سکتا ہےوغیرہ وغیرہ۔

اسی لیے وہ ماضی کی کہانیوں کا سہارا لیتے ہیں۔ اندر سے ڈرتے ہیں اور غیرمسلموں کو معجزات پر چیلنج کرنے کےلیے انتظامات نہیں کرواتے بلکہ الٹا  ہماری مخالفت کرتے اور مذاق اڑاتے ہیں۔ بے شک یہ لوگ خود ہی ایمان کے کمزور اور بزدل ہیں۔

عمل کا دارومدار نیت پر ہے اس میں تکبر کیسا؟

 ایسا ہوتا ہی ہے جب ہم خود کو بہت بڑی چیز سمجھ لیتے ہیں اور کسی غرض کے سبب مدد کرتے ہیں۔ 

 چونکہ عمل کا دارومدار نیت پر ہے۔ جس کی نیت سو فیصد اللہ کو خوش کرنے کے لیے ہو اور عمل کو اس کی توفیق سمجھے وہ ابلیس و نفس کی اس خفیہ چال میں نہیں پھنستا کہ کسی نے "میری، مجھے، میں" کو کیا سمجھا یا نہ سمجھا۔ نہ وہ خود سے اختلاف کرنے والے کو حقارت سے دیکھتا ہے نہ وہ ان کی تعریف و برائی کی خاص پرواہ کرتا ہے۔ وہ بے نیاز ہی رہتا ہے۔ خالق سے لیتا ہے مخلوق میں بانٹ دیتا ہے۔

جب ہم دوسروں کی مدد اپنی اہمیت منوانے کے لیے کرتے ہیں (اور یہ ہمیں خوب علم ہوتا ہے کہ ہمارا نفس کیا چاہتا ہے خواہ  تب یہ احساس نفس میں رہتا ہے کہ میری مدد سے یہ فلاں فلاں کام  کرگیا، یا فلاں فلاں رتبہ حاصل کرگیا اور مجھے ہی اہمیت نہیں دیتا۔ یہ نفس کی خباثت اور چال ہے جسے اکثر مدد کرنے والے گمان کرتے ہیں گویا انہوں نے کمزوروں و مسکینوں پر احسان کردیا۔

جبکہ یہ احسان اللہ  کرتا ہے کہ کسی متکبر کو ذریعہ بنادیتا ہے دوسروں تک مدد کروانے کا۔۔ پھر اس متکبر کی گردن توڑ کر اسے زمین پر رکھواتا ہے تاکہ اسے یہ احساس کروادے کہ اس کی اوقات کچھ بھی نہیں تھی۔ اگر یہ کمزور، مسکین، جاہل اور برے لوگ نہ ہوں تو کوئی نیک، امیر، عالم اس قابل نہ ریے کہ اللہ کو خوش کرسکے بنا اس کی ایسی مخلوق کو فائدہ پہنچائے بغیر۔ بے شک بہت کم لوگ ہی شکر کرتے ہیں اور خود کو مخلوق کا دنیاوی خدا سمجھ بیٹھتے ہ,یں۔