آن لائن ٹیوشن پڑھائی جاسکتی ہے بذریعہ اسکائپ میٹنگ یا واٹس ایپ گروپ بناکر (اپنا واٹس ایپ نمبر اسی کو دیں جو فیس ادا کرکے باقائدہ اسٹوڈنٹ بنا تاکہ ہر ایرا غیرا نتھو خیرا تنگ نہ کرسکے اور اگر کوئی تنگ کرے تو نمبر بلاک کردیا جائے یا آن لائن سائبر کرائم والوں کو اس کی رپورٹ کردی جائے)
بحیثیت فری لانس ٹیچر اپنی ٹیچنگ سروسز (خدمات) فراہم کی جاسکتی ہیں کسی بھی پرائیوٹ ادارے، اسکول یا اکیڈمی والوں کو اور بدلے میں ان سے اپنی مرضی کے ریٹ طے کرکے باقائدہ پیمنٹ ایڈوانس یا یکمشت لی جاسکتی ہیں (پیسوں کا لین دین آن لائن بینکنگ سسٹم یا فری لانسنگ ویب سائٹس کے ذریعہ کیا جاسکتا ہے کوئی اتنا بڑا مسئلہ نہیں ہے)
اپنا یوٹیوب چینل بناکر مہارت والے ٹاپک پر اسٹوڈنٹس کو پڑھایا سکھایا جاسکتا ہے ۔ سوالات کے جوابات دیے جاسکتے ہیں، مشکل اشوز حل کرنے کے حوالے سے رہنمائی کی جاسکتی ہے۔ اگر یوٹیوب چینل چل پڑے تو ایڈسینس کے ذریعہ ڈالرز میں آمدنی ممکن ہے۔ اپنے چینل پر اپنی ویڈیوز کے ذریعہ اپنی آن لائن اکیڈمی کا اشتہار دیا جاسکتا ہے تاکہ جو اسٹوڈنٹس پرائیوٹ کوچنگ لینا چاہیں وہ رابطہ کریں
فری لانسنگ ویب سائٹس پر جاکر اپنی ٹیچنگ سروسز فراہم کی جاسکتی ہیں۔
اپنے متعلقہ سبجیکٹ سے تعلق رکھنے والے فیس بک گروپس میں جاکر اپنی ٹیچنگ کا تعارف اور خدمات کا اشتہار دیا جاسکتا ہے۔
اپنے گھر کے باہر گیٹ پر یا دیوار پر پینا فلیکس بورڈ یا کاغذ یا مارکر وغیرہ سے لکھ کر اشتہار بنایا جاسکتا ہے مثلا لیجنڈری اکیڈمی، لیجنڈری اسکول، لیجنڈری کالج، لیجنڈری یونیورسٹی، لیجنڈری ٹیوشن سینٹر، لیجنڈری ریسٹورنٹ، لیجنڈری ہوم میڈ بریانی/دال چاول/قورمہ/صبح کا ناشتہ وغیرہ
یہ سارے کام آن لائن یا آف لائن کرنا ممکن ہے۔ ان میں سے جو بہتر لگے اسے آزماکر دیکھا جاسکتا ہے۔ جس کے نصیب میں جس طرح سے آمدنی میں اضافہ ہوجائے وہ اسی کے حق میں اللہ کے فضل سے ہوگا۔
لیجنڈری فری لانسر ذیشان ارشد (30 اگست 2024)