وضو کرتے وقت داڑھی دھونے کے حوالے سے ایک مسلم کو بہت پریشانی ہوتی ہے جسے صحیح طریقہ نہیں آتا۔ اس حوالے سے یہ چند ویڈیوز بہترین ہیں جنہیں دیکھنے اور سننے کے بعد ان شاء اللہ داڑھی کے سائز، اسے دھونے کا طریقہ اور کتنا حصہ دھونا فرض ہے اس حوالے سے کنفیوزن دور ہوجائے گی۔
پیر، 6 نومبر، 2023
جمعرات، 2 نومبر، 2023
شہیدوں کی موت جاہل نافرمانوں کے برابر نہیں ہوتی
جاہلوں کو یہ بات سمجھ میں نہیں آتی کہ اللہ کی راہ میں قتل ہو جانے والے یا اپنی موت مر جانے والے زندہ ہوتے ہیں اور ایسوں کو اللہ نے مردہ کہنے اور سمجھنے سے منع کیا ہے۔
یہ لوگ اللہ کے خلاف کھڑے ہو کر اللہ ہی کو جھوٹا ثابت کرنے پہ تلے ہوئے ہیں کہ جو اللہ کی راہ میں شہید ہو گئے ہیں وہ زندہ ہونے کے باوجود بھی سن نہیں سکتے۔ جب اس طرح کے جاہل معاشرے میں پھر رہے ہوں گے تو یہ تو خود جہالت پھیلانے کے سب سے بڑے قصوروار ہیں اور ذمہ دار اور مجرم ہیں جنہوں نے اسلام کی مٹی پلید کر کے رکھی ہوئی ہے اور اپنے فرقے بازی کو دین بنا کے پیش کیا ہوا ہے۔
لہذا تم ان جاہلوں کی باتوں میں آکر اولیاء اللہ کے گستاخ مت بننا جو زندہ ہیں وہ شہید ہیں اور وہ سنتے بھی ہیں دیکھتے بھی ہیں اور اللہ کے حکم سے مدد بھی کرتے ہیں جتنا اللہ نے ان کو اختیار دیا ہوتا ہے لیکن اللہ کے حکم کے بغیر کوئی فائدہ نہیں پہنچایا جا سکتا کسی کو بھی
اور ان کے شہید ہونے کی زندگی کو ان جاہلوں کی موت کے برابر مت سمجھنا جو اپنی زندگی میں اللہ کے نافرمان بنے رہتے ہیں اور شہیدوں کی موت کو اپنی موت جیسا سمجھ کے جہالت کا مظاہرہ کرتے ہیں لیکن اپنی عقل استعمال نہیں کرتے
ہفتہ، 21 اکتوبر، 2023
حضور نبی کریم صلی اللہ علیہ وسلم کی بیویاں
تاریخی معلومات اور مسلمانوں کی فراہم کردہ معلومات کے مطابق حضورنبی کریم محمد رسول اعظمﷺ کی مقدس اور پاک دامن بیویاں تقریباً سب ہی مالدار اور بڑے گھرانوں سے تھیں۔
حضرت ام حبیبہ رئیس مکہ حضرت ابو سفیان رضی اﷲ تعالیٰ عنہ کی صاحبزادی تھیں۔
حضرت جویریہ قبیلہ بنی المصطلق کے سردار اعظم حارث بن ضرار کی بیٹی تھیں۔
حضرت صفیہ بنو نضیر اور خیبر کے رئیس اعظم حیی بن اخطب کی نور نظر تھیں۔
حضرت عائشہ صدیقہ حضرت ابوبکر صدیق کی پیاری بیٹی تھیں۔
حضرت حفصہ حضرت عمر فاروق کی چہیتی صاحبزادی تھیں۔
حضرت زینب بنت جحش اور حضرت اُمِ سلمہ بھی خاندانِ قریش کے اونچے اونچے گھروں کی ناز و نعمت میں پلی ہوئی تھیں۔
یہ سب بچپن سے امیرانہ زندگی اور رئیسانہ ماحول کی عادی تھیں اور ان کا رہن سہن، کھانا پینا، لباس و پوشاک سب کچھ امیروں جیسی زندگی کا آئینہ دار تھا اور محمد رسول اعظم ﷺ کی مقدس اورپاک زندگی بہت ہی سادہ اور دنیاوی تکلفات سے یکسر خالی تھی۔
دو دو مہینےحضورﷺ کے گھر میں چولہا نہیں جلتا تھا اور صرف کھجور اور پانی پر پورے گھرانے کی زندگی بسر ہوتی تھی۔
لباس و پوشاک میں بھی پیغمبرانہ زندگی کی جھلک تھی ۔
مکان اور گھر کے سازو سامان میں بھی نبوت کی سادگی نمایاں تھی۔
حضور ﷺ اپنی رقم کا اکثر حصہ اپنی امت کے غریبوں پر خرچ کردیتے تھے اور اپنی بیویوں کو صرف بقدر ضرورت رقم ادا کرتے تھے لہذا ان کی بیگمات کی زیب و زینت اور بناو سنگھار کے لیے وہ رقم کافی نہ ہوتی تھی جبکہ حضور کی بیویوں کے مقابلہ پر آج مالدار مسلم عورتوں کے پاس اسقدر دولت ہے کہ اپنےبناو سنگھار کے لیے بیوٹی پارلر جاکر ماہانہ ہزاروں روپے خرچ کردیتی ہیں اور ہرسال عید تہوار اور دیگر تقریبات کے لیے الگ الگ مہنگے جوڑے خرید کر پہنتی ہیں۔
کائنات کے بادشاہ اللہ واحد القہار کے محبوب رسول اعظم ﷺ کی بیگمات یعنی امہات المومنین نے متفقہ طور پر آپﷺسے مطالبہ کیا کہ ان کے اخراجات میں اضافہ فرمادیں۔
یہ بات حضور ﷺکے دل پر بہت بھاری گزری کیونکہ حضور ﷺ غلبہ اسلام کے مشن پر کام کررہے تھے اور ان کے سکون اور اطیمنان میں رکاوٹ پیش آگئی کہ دنیاوی سازو سامان اور زینت و آرائش کی خاطر اگر پیسوں کا انتظام کرنا پڑے گا تو دین اسلام کا کام کیسے ہوگا ؟ اور امت کے غریبوں کو کیسے فائدہ پہنچایا جائے گا؟ اور غیرمسلموں کو اسلا م میں کیسے داخل کرنے پر توجہ دی جائے گی؟ لہذا حضورﷺ نے یہ قسم کھالی کہ اب ایک ماہ تک اپنی بیویوں سے ملاقات اور بات چیت نہیں کریں گے اور پھر حضور نے ایک ماہ تک اس پر عمل کیا، اسے "ایلاء" کہتے ہیں۔
اس سے ہمیں یہ معلوم ہوتا ہے کہ اگر کسی مالدار مسلم عورت کا مسلم شوہر غلبہ اسلام کے مشن پر کام کررہا ہو اور اس مسلم عورت کے پاس اس قدر دولت ہے کہ وہ اپنے اخراجات آسانی سے پورے کرسکتی ہے اور اس کے پاس ضرورت سے زیادہ دولت اور گھریلو ساز و سامان بھی رکھا ہوا ہے تو اسے چاہیے کہ اپنے ایسے عظیم شوہر کی قدر کرے اور اس کے لیے آسانیاں پیدا کرے اور اسے ہرگز پریشان اور تنگ نہ کرے تاکہ وہ پوری یکسوئی کے ساتھ اللہ واحد القہار کے مشن غلبہ اسلام پر بھرپور توجہ کے ساتھ کام جاری رکھ سکے۔
بے شک اللہ کسی نیک مسلم عورت کی نیکیاں ضائع نہیں کرتا اور بے حد قدر کرتا ہے اگر وہ اپنے شوہر کی خدمت کرے اور اس کا خیال رکھے اور اس کے شوہر کو بھی چاہیے کہ اگر اسے خدمت گزار اور خیال کرنے والی بیوی ملی ہے اللہ کے فضل سے تو وہ بھی اللہ کا شکر ادا کرے اور اس کے ذہنی سکون کا خیال رکھے، اس کو آخرت کے حوالے سے تعلیم و تربیت کرے اور اسے بھی جنت کے محلات میں لے جانے کے لئے کوششیں کرے اور اپنے بچوں کی تربیت کا بھی خیال رکھے تاکہ شیطان انہیں اللہ سے بدگمان اور اسلام سے بدظن نہ کرسکے۔ بے شک اللہ تمام جہان والوں سے بے نیاز ہے۔
اللہ اکبر
اللہ واحد القہار
الحمدللہ رب العالمین
توکل
Eat Food with Hands, Not Prayers
Do Not Trust on Stuff
Do Your Efforts - Leave the Rest on ALLAH (اللہ)
You Are in Way of ALLAH (اللہ) IF...3 Conditions Else...Shaitan Way
سائنس کی آسان ترین تعریف
سائنس ایک ایسا لفظ ہے جسے اللہ کا انکار کرنے والے بالشتئے اور نام نہاد مسلم بہت زیادہ استعمال کرتے ہیں اور اس کی آڑ میں روحانیت، اولیاء اللہ، کرامات، معجزات وغیرہ کا بھی مذاق اڑاتے ہیں۔ سائنس گروپ آف پاکستان میں "سائنس" کی آسان تعریف کے حوالے سے سائنس کے طالب علم کیا کہتےہیں؟ اس پر یہ جواب کافی ہے۔
جمعرات، 12 اکتوبر، 2023
بہترین جملوں کا انتخاب
تمہارے پاس جو کچھ بھی ہے سب فانی ہے اور جو کچھ اللہ کے پاس ہے وہ باقی رہنے والا ہے
دنیا سے بے رغبت ہوجا، اللہ تم سے محبت کرے گا اور جو کچھ لوگوں کے پاس ہے اس سے بے نیاز ہو جاؤ، لوگ تم سے محبت کریں گے
مسلمانوں اور مسلم حکمرانوں کے ہاتھوں میں جو مال ہے، وہ اللہ کا مال ہے۔ اللہ نے ان کو اس پر اپنا جانشین بنایا ہے، تاکہ اسے جائز امور میں خرچ کریں۔ اس میں ناحق تصرف کرنا حرام ہے۔ یہ بات حاکموں اور دیگر تمام مسلمانوں کے لیے عام ہے۔
جو شخص دوسرے پر حق کے ذریعہ غلبہ حاصل کرتا ہے اور اسے زیر کرتا ہے، تو یہ حق ہے اور ایسا شخص اللہ کے نزدیک محبوب ہے، ناپسندیدہ نہیں۔
خلفائے راشدین آف اسلام کے کارنامے اور مسلمانوں کے لیے آئیڈیاز
اس لسٹ سے یہ اندازہ لگایا جاسکتا ہے کہ خلفائے راشدین جو کہ حضور نبی کریم صلی اللہ علیہ وسلم کے تربیت یافتہ شاگرد تھے وہ امت کے مسلمانوں اور غیرمسلموں کے لیے کس قسم کے کام سرانجام دے کر چلے گئے۔ اس فہرست کے ذریعہ ایسے تمام مسلمان جو یہ جاننا چاہتے ہیں کہ وہ اپنی آخرت کی زندگی بہتر بنانے کے لیے اس فزیکل ورلڈ میں کس قسم کے کام سرانجام دیں تو یہ لسٹ ان شاء اللہ انہیں کفایت کرے گی کیونکہ اس میں صرف خلفائے راشدین کا انتخاب کرکے ان سے متعلق کارناموں کوانٹرنیٹ سے ریسرچ کرکے جمع کردیا گیا ہے اللہ کے فضل و کرم سے ۔
ان میں کونسی باتیں سچ ہیں یا جھوٹ اس سے قطعی نظر مقصد صرف یہ ہے کہ نیکی کے کام کرنے کے لیے مسلمان جس عہدہ پر بھی ہو اسے آسانی ہوسکے ان شاء اللہ اور خلفائے راشدین کی عظمت اور شان و شوکت کا بھی اندازہ ہوسکے کہ وہ کس قدر اعلی لیول پر ہونے کے باوجود کس قسم کے کام کرتے تھے اور ان کا مقصد صرف اللہ کو راضی کرنا تھا لہذا ہم سب کو اپنا کردار اس آئینے میں دیکھنا بھی چاہیے۔
الحمدللہ رب العالمین، اللہ اکبر، اللہ واحد القہار
حضرت ابو بکر صدیق رضی اللہ عنہ کے کارنامے
حضور نبی رحمت ﷺ کے وصال کی خبر سن کر کافی قبیلوں نے سرکشی کر دی لوگ مرتد ہونا شروع ہو گئے ،بعض نے زکوٰة اور نماز ادا کرنے سے انکار کر دیا، ملک کے بیشتر حصوں سے مدعیانِ نبوت اٹھ کھڑے ہوئے جن میں طلیحہ بن خویلد، اسود عنسی، سجاح بنت حارثہ اور مسیلمہ کذّاب بہت مشہور ہیں انہوں نے اسلام کے خلاف لوگوں کو بھڑکانا شروع کر دیا اور اپنی جماعتیں بنانا شروع کر دیں حضرت ابوبکر صدیق ؓنے پہلے متعدد پیغامات بھجوائے کہ وہ اپنے اس غلط دعوے کو مسترد کر دیں لیکن جب انہوں نے آپکی بات کا انکار کیا تو آپ نے لشکر کیساتھ حملہ کیا اور ان کذّابوں کو نیست و نابود کر دیا۔
حضرت عمرؓ کی تحریک پر حضرت ابوبکرؓ نے حضرت زید بن ثابتؓ سے قرآن کریم تحریری صورت میں لکھوا کر اسے مسجد نبویؐ میں رکھوا دیا جس سے قرآن کریم کتابی شکل میں محفوظ ہو گیا اور اس میں کسی تحریف اور ردوبدل کا دروازہ بھی بند ہو گیا کہ مسجد نبویؐ میں موجود سرکاری اور اسٹینڈرڈ نسخہ کی موجودگی میں کسی کو جرأت نہیں تھی کہ وہ قرآن کریم میں اپنی طرف سے کوئی ردوبدل کر کے اسے عام کر سکے۔
نبی اکرم صلی اللہ علیہ وسلم نے بیت المال کا نظام قائم کر کے ریاست کے عام شہریوں بالخصوص معذوروں اور مستحقین کی کفالت کا جو نظام دیا تھا حضرت ابوبکر صدیقؓ نے اس سلسلہ کو آگے بڑھایا اور ایسی بنیادیں فراہم کر دیں جس سے رفاہی ریاست اور ویلفیئر اسٹیٹ کا وہ نظام حضرت عمرؓ کے دور میں منظم ہو کر دنیا کے لیے ایک مثالی اور آئیڈیل رفاہی نظام کی شکل اختیار کر گیا۔
آپؓ نے اپنے دورِ خلافت میں ایران اور روم کی دو عظیم سلطنتوں کو متعدد شکستیں دے کر ملت اسلامیہ کے وقار اور دبدبے کا ڈنکا بجا دیا۔
آپ ؓکی خلافت کے آغاز سے ہی کافی قبیلوں نے سرکشی شروع کر دی تھی لوگ بغاوت کرنے لگ گئے تھے ملت اسلامیہ پر خطرات کے بادل منڈلانے لگے روم و ایران کی سرحدیں غیر محفوظ ہو گئیں اسی اثنا میں آپ نے عزم اور بہادری کیساتھ تمام منکرین اور دعویداروں کو ان کی اوقات یاد دلا دی اور اسلام کی سرحدوں اور اسکی روایات کی حفاظت فرمائی اور باطل کے ایوانوں کو بتا دیا ہم حضور ﷺ کیساتھ بھی اس دین کا پہرا دیا کرتے تھے اور اب بھی ہمہ وقت اس کے دفاع کے لیے تیار ہیں ۔ دین اسلام کی طرف اٹھنے والی ہر آنکھ نکال دی جائے گی ۔
ملت اسلامیہ کے نظام کو بہتر بنانے کیلئے اس کو متعدد صوبوں اور ضلعوں میں تقسیم کر دیا اور ان تمام علاقہ جات پر گورنر مقرر کر دیئے آپؓ کا یہ عمل اس لیے تھا کہ ایک شخص ایک جگہ بیٹھ کر بآسانی سارے معاملات کو نہیں دیکھ سکتا تھا اس لئے اگر علیحدہ علیحدہ لوگ مقرر کیے جائیں گے تو لوگوں کے تمام تر معاملات کو توجہ کیساتھ دیکھا جائے گا، آپ نے علیحدہ علیحدہ قاضی مقرر کیے، سپہ سالار بنائے جو اپنی مقرر کردہ جگہ پر لگائی گئی ذمہ داریوں کو سر انجام دیتے تھے، کسی کو کوئی بھی مسئلہ ہوتا تو ان کو عدل اور رواداری کیساتھ انصاف دیا جاتا کسی کو بھی کسی کا حق مارنے کی اجازت نہیں تھی چاہے وہ جتنا بڑا بھی عہدیدار ہو، رشوت کسی بھی معاملہ میں نہیں لی جاتی تھی کسی کو شکایت کرنے کے لئے کسی کی شفارش کی ضرورت نہیں ہوتی تھی وہ خود جا کر خلیفہ وقت سے سوال کر سکتا تھا۔
مالیات کا جو نظام عہد نبوی ﷺ سے چلا آ رہا تھاحضرت ابو بکر صدیقؓ نے ابتداءسے تووہی نظام جاری رکھا رقم آتی تو اس کو عوامی بہبود و فلاح کے لئے خرچ کر دیا جاتا یا پھر تقسیم کر دیا جاتا لیکن بعد میں آپ نے بیت المال کے لئے ایک عمارت تعمیر کروائی جس ساری رقم کو رکھا جاتا تھا جب حضرت عمر رضی اللہ مسندِ خلافت پر متمکن ہوئے تو آپ نے بیت المال کی عمارت کا حضرت عبدالرحمن بن عوفؓ کے ہمراہ دورہ کیا تو وہاں صرف ایک درہم برآمد ہوا پتہ کرنے پر معلوم ہوا کہ یہاں جو بھی رقم آتی تھی حضرت ابو بکر صدیق رضی اللہ عنہ اس کو یا تو عوام کی فلاح کے لیے خرچ کر دیتے یا پھر تقسیم کر دیتے۔
باقاعدہ فوج کو ساز و سامان مہیا کرنے کا انتظام کیا اونٹوں اور گھوڑوں کے لیے ایک چراگاہ بنائی، مال غنیمت کا ایک حصہ فوجداری نظام کے لیے مقرر فرمایا جہاں کوئی کمی بیشی نظر آتی خود اصلاح فرماتے آپ کا قائم کردہ یہ فوجی نظام ملت اسلامیہ کے لیے بہت ہی کارآمد ثابت ہوا اور اسکی بدولت بہت سے اسلام کے دشمنوں کو نیست و نابود کر دیا روم اور ایران جیسی بڑی سلطنتوں کو پیچھے ہٹنے پر مجبور کر دیا۔
مسائل کی تحقیق و تدوین کے لیے ایک ادارہ قائم کیا گیا جس میں حضرت عمر فاروقؓ، حضرت عبدالرحمن بن عوفؓ اور حضرت معاذ بن جبلؓ کی ذمہ داری لگائی وہ وہاں لوگوں کے مسائل سنتے اور قرآن و حدیث کے مطابق فیصلے فرماتے اس کا ایک فائدہ یہ ہوا کہ لوگوں کے گھروں میں پیش آنے والے روزمرہ کے مسائل اور جھگڑے کم ہو گئے کسی کو کوئی بھی مسئلہ ہوتا تو انصاف کیساتھ اس کے حق میں فیصلہ کیا جاتا کسی کے حق میں غیر منصفانہ فیصلہ نہیں کیا جاتا تھا کیونکہ ان کے نزدیک کوئی بڑا ہو یا چھوٹا سبھی برابر ہوتے۔
حضرت عمر فاروق رضی اللہ عنہ کے کارنامے
عراق، مصر ، لیبیا ، سرزمین شام ، ایران، خراسان، مشرقی اناطولیہ، جنوبی آرمینیا اور سجستان فتح ہو کر مملکت اسلامی میں شامل ہوئے اور اس کا رقبہ بائیس لاکھ اکاون ہزار تیس (22,51,030) مربع میل پر پھیل گیا۔
پہلی مرتبہ یروشلم فتح ہوا، اس طرح ساسانی سلطنت کا مکمل رقبہ اور بازنطینی سلطنت کا تقریباً تہائی حصہ اسلامی سلطنت کے زیر نگین آ گیا
آپ کی عدالت میں مسلم و غیر مسلم دونوں کو یکساں انصاف ملا کرتا تھا۔
موذنوں کی تنخواہیں مقرر کیں۔
مسجدوں میں روشنی کا بندوبست کروایا۔
پولیس کا محکمہ بنایا۔
عدالتی نظام کی بنیاد رکھی۔
آب پاشی کا نظام قائم کروایا۔
فوجی چھاونیاں بنوائیں اور فوج کا محکمہ قائم کیا۔
دنیا میں پہلی بار دودھ پیتے بچوں، معذوروں، بیواوں اور بے آسراوں کے وظائف مقرر کئے۔
دنیا میں پہلی بار حکمرانوں، سرکاری عہدیداروں اور والیوں کے اثاثے ڈکلیئر کرنے کا تصور دیا۔
بے انصافی کرنے والے ججوں کو سزا دینے کا سلسلہ بھی شروع کیا۔
دنیا میں پہلی بار حکمران کلاس کی اکاونٹبلٹی شروع کی۔
حضرت عثمان غنی رضی اللہ عنہ کے کارنامے
قرآن کے متعدد نسخے تیار کرکے مختلف صوبوں میں بھیجے اور امت کو ایک مصحف پر جمع کیا۔ اس کارنامے کی بدولت آپ کو ’’جامع القرآن‘‘ کا لقب دیا گیا ہے۔
جگہ جگہ ضرورت کے تحت سڑکیں اور پل تعمیر کرائے۔
مفتوحہ علاقوں اور ملکوں میں مساجد اور دینی مدارس قائم کئے۔
ملک شام میں سمندری جہازوں کے بنانے کا کارخانہ قائم کیا۔
مدینہ کو سیلاب سے بچانے کے لیے ایک بند تعمیر کرایا۔
جگہ جگہ پانی کی نہریں نکلوائیں۔
مدینہ اور دوسرے شہروں میں نئے کنویں کھدوائے۔
تعمیرات عامہ کے پیش نظر دوسرے شہروں میں بھی سرکاری عمارتیں، سڑکیں وغیرہ تعمیر کرائیں۔
کئی ممالک فتح کرکے خلافت اسلامیہ میں شامل کیے۔
حضرت علی کرم اللہ وجہہ کے کارنامے
عربی گرامر کے موجد ہیں۔
سبسکرائب کریں در:
تبصرے (Atom)