میں دیکھتا ہوں کہ ہر بندہ، فقیر ہو یا دکان والا ہو، پلمبر ہو یا مزدور ہو، کمانے کے لیے روز باہر نکلتا ہے۔
روزانہ کسی نہ کسی کو کہیں نہ کہیں پر کام ملتا ہے یا کسٹمر ملتا ہے۔
کام کروانے والے مزدوری کے بدلے پیسے دیتے ہیں۔
خریداری کرنے والے پیسے دے کر چیز خریدتے ہیں۔
میں نے اس سے یہ سیکھا ہے کہ انسان روزانہ کماسکتا ہے۔
روز کمانے کی کوشش کرنا چاہیے۔
ہر طرح کے وسائل استعمال کرنے چاہیں۔
اللہ نے کہیں بھی کسی کو منع نہیں کیا ہے سوائے ان حرام کاموں اور باتوں اور چیزوں کے جن کے بارے میں اس نے واضح طور پر قرآن میں منع کردیا ہے یا حضور نبی کریم صلی اللہ علیہ وسلم نے منع فرمادیا ہے اور وہ صحیح احادیث سے متفق طور پر سچ ثابت ہو بغیر کسی عالمی اختلاف کے جس طرح پانچ نمازوں پر سب کا اتقاق ہے۔
بحیثیت فری لانسر، کام تلاش کرنا تمہارا حق ہے لہذا روز کام تلاش کرو۔
بحیثیت بزنس آنر، کسٹمر کا انتطار کرنا تمہارا حق ہے۔ انتظار کرو۔ اپنے آئیٹمز پوسٹ کرو۔ اپنی آن لائن دکان چلاو۔ اپنی دکان پر اپنا مال لگاو۔ کوئی خریدنا چاہے اس کو کسٹمر سمجھتے ہوئے ڈیل کرو۔
کوئی سیکھنا چاہتا ہے، کام کرنا یا بزنس کرنا، وہ تمہاری مرضی ہے کہ کتنی فیس لے کر سکھاتے ہو۔ وہ تمہارا اسٹوڈنٹ ہوگا اور اس سے تم جو مرضی فیس لے کر سکھاسکتے ہو۔ اگر غریب ہوگا تو کم فیس یا کوئی ڈیمانڈ مثلا وہ تمارے لیے کام کرے اور تم اس کے بدلے اس کو سکھادو یا امیر جو تمہیں منہ مانگی فیس ادا کرے اور بدلے میں تم اس کو اپنا ہنر یا طور طریقے سکھادو۔
فری میں کام کرنے کی کوئی ضرورت نہیں ہے کیونکہ تم کسی کے باپ کے غلام یا نوکر نہیں ہو۔
کوئی کام کروائے گا تو تم بدلے میں کچھ بھی لے سکتے ہو، یہ تمہارا حق ہے۔
اپنا حق مارنے کی کسی کو اجازت مت دو ماسوائے یہ کہ وہ تمہارے والدین ہوں یا بیوی بچے جن کی ذمہ داری اور ٹیک کیئر کرنا تمہارا فرض ہے۔ باقی بہن بھائی رشتہ دار دوست احباب وغیرہ تمہاری ذمہ داری نہیں ہیں۔
البتہ اگر تم کسی کے ساتھ احسان کرو تو وہ ایک الگ بات ہے اور وہ صرف اللہ کےلیے ہونا چاہیے، کسی شکریہ/بدلے/یا پیسوں کی امید پر ہرگز نہ ہونا چاہیے تاکہ تم آخرت میں اس عمل کے بدلے اللہ سے بہترین انعامات حاصل کرسکو۔
لیجنڈری فری لانسر ذیشان ارشد